Sektori i Licencimit në Federatën Shqiptare e Futbollit ka organizuar një mbledhje me klubet e Kategorisë Superiore, të cilat do të aplikojnë për të marrë pjesë ne kompeticionet e UEFA-s si dhe në të gjitha veprimtaritë futbollistike të organizuara nga FSHF për sezonin e ardhshëm 2021-2022.
Siç jeni në dijeni, çdo klub futbolli është i detyruar të përmbushë kriteret e vendosura në Rregulloren e Licencimit të Klubeve për të siguruar një “Licencë të UEFA-s dhe FSHF-së”, e detyrueshme për pjesëmarrje në kompeticionet e tyre.
Seminari u zhvillua në dy seanca të ndryshme. Në seancën e parë, që u drejtua nga Menaxheri i licencimit të klubeve, Eduard Gjini, u trajtuan mënyrat se si duhet të plotësohen dosjet me dokumentet për kriterin sportiv, kriterin e infrastrukturës, kriterin e administratës dhe personelit dhe kriterin ligjor.
Në seancën e dytë, që u drejtua nga eksperti i kriterit financiar Kristaq Ndini, u trajtuan tema rreth përmbushjes dhe plotësimit të dosjeve të kriterit financiar, mbështetur edhe nga dokumentacioni i sjellë nga departamenti i licencimit të UEFA-s si dhe konkluzionet e auditit të fundit te saj.
© SYRI.net
Rrëfimi i bujshëm i arbitrit pas 17 vitesh: I fala kartonin e kuq Messit, kërkova fanelën e tij pas ndeshjes
Shkëmbi me ide të qarta për formacionin, ja se si pritet të luajnë bardheblutë në derbi
Statistikat/ Produktiviteti i Ronaldos, me Ancelottin makineri golash, dështim total me Teg HagBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
