Festival golash në “Old Trafford” në sfidën mes Manchester United he Leeds United.
“Djajtë e kuq” dhuruan spektakël përballë ekipit të Marcelo Bielsas, duke fituar me rezultat tenistik 6-2.
Këtë radhë “El Loco” nuk mund të bënte asnjë “magji”, pasi në mënyrë të pabesueshme ekipi i tij pësoi katër gola vetëm në pjesën e parë, dy brenda tri minutave të para, kur ende futbollistët në fushë nuk kishin ngrohur mirë muskujt.
McTominay realizoi dy herë brenda dy minutave lojë (2’ dhe 3’), i shërbyer nga Bruno Fernandez dhe Martial, duke u shkaktuar një shok psikologjik lojtarëve miq.
Reagimi i Leedsit ishte kaotik, aq sa rezultati shoi në 4-0 pa u mbushur minuta e 37-të, pasi gjetën rrugën e rrjetës edhe Fernandez dhe Lindelof.
Në minutën e 41-të skuadra e Bielsas shënoi një gol shpresë me Raphinan, finalizimin që rezultoi thjesht iluzion, pasi Manchester United shënoi edhe dy gola të tjerë në pjesën e dytë me James (66’) dhe Fernandez (70’) me 11-metërsh.
Praktikisht ndeshja u mbyll, megjithatë futbollistët e Leedsit mundën të realizonin një tjetër gol me Dallas në të 77-tën, që vlejti vetëm për statistikë.
Me këtë sukses, Manchester United ngjitet në vendin e tretë më 26 pikë, një më pak se Leicester City dhe pesë më pak se Liverpooli kryesues, por me një ndeshje më shumë për të luajtur.
© SYRI.net
Rrëfimi i bujshëm i arbitrit pas 17 vitesh: I fala kartonin e kuq Messit, kërkova fanelën e tij pas ndeshjes
Shkëmbi me ide të qarta për formacionin, ja se si pritet të luajnë bardheblutë në derbi
Statistikat/ Produktiviteti i Ronaldos, me Ancelottin makineri golash, dështim total me Teg HagBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
