Barcelona u ndal në barazim 2-2 ndaj Valencias në ndeshjen e vlefshme për javën e 14-të në La Liga.
Ndeshja nisi mirë për miqtë të cilët në minutën e 29’ kalojnë në avantazh me anë të Mouctar Dikhaby.
Kur dukej se pjesa e parë do të përfundonte me avantazhin e Valencias, atëherë në skenë u shfaq, Lionel Messi, i cili fillimisht humbi penalltinë por topin e grushtuar e ndali në rrjetë gjatë tentativës së dytë.
Argjentinasi me këtë gol, ka barazuar rekordin me legjendën braziliane Pele për golat e shënuar me një klub, përkatësisht 643 gola kishte shënuar Pele për Santos, tani edhe Messi ka regjistruar 643 gola për Barçën.
Pjesa e parë u mbyll me rezultatin 1-1.
Me të filluar pjesa e dytë, mbrojtësi i Barcelonës, Ronald Araujo, shënoi supergol me stilin “gërshërë” për ti dhënë avantazhin Barçës. Pas një asistimi nga Gaya, Maxi Gomez shfrytëzoi mundësinë dhe barazoi rezultatin në 2-2. ‘Blaugranët’ u munduan ta fitonin ndeshjen, por nuk ia dolën dot.
Barcelona tashmë qëndron në vendin e 5-të me 21 pikë të grumbulluara, ndërsa Valencia mban vendin e 12-të me 15 pikë.
© SYRI.net
Bëje LIKE dhe merr lajmin e fundit nga Sporti: