Formula 1/ Red Bull prezanton pilotin e ri

12:17, 19/12/2020

Skuadra austriake e Red Bull ka prezantuar sot pilotin e ri që do të garojë bashkë me Max Verstappen sezonin e ardhshëm. 
Bëhet fjalë për meksikanin 30-vjeçar Sergio Perez, i cili është përzgjedhur për të marrë vendin e Albon.
Perez ka qenë pjesë e Racing Point dhe këtë sezon fitoi garën e parë të karrierës, ndërsa tani me skuadrën e Red Bull do të ketë më shumë mundësi të kalojë vijën e finishit i pari, pasi do të drejtojë një makinë shumë më konkurruese.
“Jam shumë mirënjohës për mundësinë që më është dhënë. Do të garoj me një makinë fituese, gjë që e kam dashur që kur kam ardhur në F1”, tha Perez.
Piloti meksikan është pjesë e Formulës 1 prej 10 vitesh duke marrë pjesë në 191 gara, duke fituar vetëm një dhe arritur 10 herë të ngjitet në podium.

 

© SYRI.net

Lexo edhe:

• Rrëfimi i bujshëm i arbitrit pas 17 vitesh: I fala kartonin e kuq Messit, kërkova fanelën e tij pas ndeshjes
• Shkëmbi me ide të qarta për formacionin, ja se si pritet të luajnë bardheblutë në derbi
• Statistikat/ Produktiviteti i Ronaldos, me Ancelottin makineri golash, dështim total me Teg Hag