Pritja e gjatë e tifozëve të Milanit për të parë sërish Zlatan Ibrahimovic në fushë me fanellën e kuqezinjve do të përfundojë fundjavën e ardhshme në sfidën që kryesuesit e Serie A do të kenë ndaj Sassuolos në “Reggio Emilia”.
Zlatan e ka lënë pas dëmtimin muskular dhe gjatë ditëve të fundit është stërvitur rregullisht, por stafi mjekësor i Milani nuk ka dashur ta rrezikojë që për sfidën e kësaj mesjave ndaj Genoas, në mënyrë që rikuperimi të jetë i plotë.
Ibrahimovic nuk ka qenë pjesë e kuqezinjve që prej sfidës ndaj Napolit, takim në të cilin i dha fitoren Milanit falë dygolëshit të tij.
Përfshirë edhe takimin e sotëm ndaj Genoas shkojnë në 7 ndeshjet të cilat Ibra i ka humbur gjatë këtij një muaji që ka ndryshuar jashtë, 4 prej tyre në kampionat dhe 3 në Europa League.
Rikthimi i gjigantit suedez është shumë i rëndësishëm, pasi gjatë kësaj periudhe Milanit i ka munguar vërtetë një lider.
© SYRI.net
Bëje LIKE dhe merr lajmin e fundit nga Sporti: