Superliga në basketboll me super sfida

16:45, 15/12/2020

Në mesjavë do të zhvillohet xhiroja e tetë e Prince Caffe Superligës së Kosovës në basketboll.

Ndeshje interesante shihet ajo ndërmjet Golden Eagle Yllit dhe Ponte Prizrenit. Të dy skuadrat kanë grumbulluar nga 11 pikë, apo nga katër fitore dhe tri humbje, prandaj pritet një duel shumë interesant. 

Një ndeshje interesante shihet edhe ajo ndërmjet Vëllaznimit dhe Rahovecit. Të dy skuadrat hyjnë në këtë ndeshje si shumë të motivuara. Skuadra kuqezi ka mundur Sigal Prishtinën dhe Pejën, e me sukses do të mundohet të kalojë edhe Rahovecin. Por, Vreshtarët fituan derbin e fundit ndaj Golden Eagle Yllit me 20 pikë dallim (76:96) dhe ndodhen në vendin e dytë me pesë fitore dhe dy humbje, kurse skuadra kuqezi ka tri fitore dhe katër humbje.

Dita e enjte është e rezervuar për përballjet e skuadrave rivale ndërmjet tyre. Sigal Prishtina do të pret Pejën në një sfidë shumë interesante. Bardhekaltrit kanë dy fitore dhe pesë humbje, kurse pejanët janë në vendin e parë me gjashtë fitore dhe një humbje. Këto dy skuadra do të ballafaqohen edhe në çerekfinale të Kupës së Kosovës.

Trepça dhe Bashkimi janë dy skuadra me traditë në basketbollin e Kosovës. Sfida në ‘Minatori’ pritet të jetë shumë interesante, sepse të dy skuadrat kanë nga dy fitore dhe pesë humbje në këtë edicion. 

Prince Caffe Superliga - Java 8

E mërkurë 
15:00 Golden Eagle Ylli - Ponte Prizreni                     
15:00 Vëllaznimi - Rahoveci    
                     
E enjte 
15:00 Sigal Prishtina - Peja                           
15:00 Trepça - Bashkimi.

© SYRI.net

Lexo edhe:

• Motta vlerëson Napolin: Është ndërtuar për ‘Scedetton’, duhet të shkëlqejmë...
• Plas te Roma, lojtarët përballen me drejtuesit për shkarkimin e De Rossit
• Champions League/ Monaco-Barcelona, shikoni supergolin e Lamine Yamal