Rrugët e Alejandro Gomez dhe Atalantës do të ndahen me shumë mundësi në merkaton e janarit.
Raportet mes kapitenit bergamask dhe trajnerit Gasperini janë më të tensionuara se kurrë dhe vështirë se mes tyre do të ketë një pajtim.
Papritur Gomez është shndërruar në një opsion shumë të vlefshëm për skuadrat më të mëdha të Serie A në merkato, edhe pse nuk përjashtohet një transferim i mundshëm i tij në Arabinë Saudite ose Emiratet e Bashkuara Arabe.
Sipas “Sportmediaset”, Gomez pëlqehet nga dy klubet e Milanos, Milan dhe Inter, por edhe nga Roma e Paris Saint Germain.
Interi është në kërkim të një sulmuesi për të kompletuar repartin e avancuar, por problemi i vetëm për afrimin e Gomez ka të bëjë me faktin se ka karakteristika deri diku të njëjta me Alexis Sanchez dhe nuk mund të konsiderohet një zëvendës i Lukakut.
Për Milanin gjithashtu do të ishte një alternativë shumë e vlefshme për të mbuluar një largim të mundshëm të turkut Calhanoglu i cili nuk po rinovon.
Atalanta pritet ta shesë me një çmim më të ulët 32-vjeçarin dhe 7-8 milionë euro mund të mjaftojnë për kartonin e tij.
© SYRI.net
Motta vlerëson Napolin: Është ndërtuar për ‘Scedetton’, duhet të shkëlqejmë...
Plas te Roma, lojtarët përballen me drejtuesit për shkarkimin e De Rossit
Champions League/ Monaco-Barcelona, shikoni supergolin e Lamine Yamal Bëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
