Boksieri anglez, Anthony Joshua ka arritur të fitojë me “Ko” në raundin e nëntë ndaj rivalit bullgar, Kubrat Pulev.
I saktë në goditje, Joshua shënoi triumfin e 24-t në karrierë dhe të 22-të me “Ko”. Ndërsa për Pulev kjo ishte humbja e dytë në karrierë (ka edhe 28 fitore). Një sfidë e fortë dhe mjaft tërheqëse, por e dominuar nga boksieri britanik, që ishte më superior në ring.
Në dy raundet e para boksierët nuk dhanë shumë, pasi po studionin lëvizjet e tyre. Por në të tretin Joshua “zgjohet” dhe arrin të dominojë, duke hedhur në tapet rivalin bullgar. Raundet që e pasojnë janë më të ekuilibruar, me Joshua që administron epërsinë dhe është më agresiv se Pulev, që godet hera-herës.
Bullgari duket se rimerr veten në raundet 7-8, por Joshua rikthehet të dominojë në ring dhe në raundin e 9-të hedh sërish Pulev dy herë në tapet. Ai nuk ngrihet dot më dhe britaniku nis festën, duke triumfuar me KO dhe mbron titujt kampionë.
Këtë sfidë e ndoqi nga afër ikona e ringut Floyd Mayëeather, me të cilin Joshua u përshëndet menjëherë pasi fitoi duelin.
© SYRI.net
Champions League/ Monaco-Barcelona, shikoni supergolin e Lamine Yamal 
Shqiptarja që gjykon ndeshjet e Champions League: Më kanë mërzitur mesazhet seksiste
Shkeljet financiare, Man.City rrezikon të përjashtohet nga të gjitha kompeticionetBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
