Laçi e ka tashmë trajnerin e ri pas largimeve të Armando Cungut dhe Stavri Nicës.
Do të jetë Shpëtim Duro timionieri i ri i skuadrës kurbinase në këtë sezon.
Ka qenë vetë klubi i Laçit që ka zyrtarizuar akordin me teknikun kryeqytetas i cili do të provojë tashmë një eksperiencë të re në Kategorinë Superiore.
Pas bisedimeve të shumta me disa trajnerë ku u përfol edhe një afrim i mundshëm i austriakut Peter Pacult, presidenti i Laçit Pashk Laska ka vendosur të zgjedhë Shpëtim Duro, një njohës të mirë të kampionatit shqiptar.
Edhe pse ka grumbulluar vetëm 7 pikë në 7 ndeshje, Laçi ka objektiva madhorë në këtë sezon dhe do të përpiqet t’i arrijë pasi ka zhvilluar një merkato cilësore ndërkohë që nuk është luajtur ende as një çereku i kampionatit dhe sezoni është shumë i gjatë.
Duro tashmë 60-vjeçar, i cili në karrierën e tij të gjatë si trajner ka drejtuar disa herë Partizanin, por edhe Besën, Vllaninë, Skënderbeun e Kukësin, do të nisë të dielën në “Niko Dovana” në ndeshjen ndaj Teutës aventurën e tij në stolin e Laçit.
© SYRI.net
Bëje LIKE dhe merr lajmin e fundit nga Sporti: