Thomas Strakosha apo një portier me eksperiencë si Pepe Reina? Kjo është pyetja e cila aktualisht po mundon shumë trajnerin e Lazios, Simone Inzagi.
Në fakt, në fillim të sezonit titullar i padiskutueshëm ishte gardiani i kombëtares kuqezi, mirëpo pas infektimit me COVID-19, Strakosha humbi kuota në hierarki, kjo edhe për shkak se ende nuk ka ardhur në formën më të mirë.
Këtë kohë në dispozicion e shfrytëzoi portieri spanjoll që me eksperiencën e tij ka bërë mirë dhe tashmë shqiptarit i duhet të konkurrojë fort për vendin e titullarit.
Shumë analistë në Itali mendojnë se kjo do t’iu bëjë keq portierëve, duke iu ulur sigurinë, megjithatë nuk mendon kështu një legjendë e portës siç është Dino Zof.
Ish-portieri i Italisë dhe Juventus, mendon se Reina dhe Strakosha janë shumë të fortë dhe një aset për Lazion dhe fakti që janë alternativë e njëri-tjetrit nuk i bën të pasigurt, vetëm në mos janë të pamësuar me konkurrencën.
“Mos u merrni me gjëra që nuk kanë sens. Reina dhe Strakosha janë dy portierë shumë të fortë, një aset për klubin e Lazios. Nëse fakti që mund të alternohen është një rrezik, atëherë do të thotë se asnjë prej tyre nuk është mësuar të luftojë dhe të ketë konkurrencë”, u shpreh Zof.
© SYRI.net
Champions League/ Monaco-Barcelona, shikoni supergolin e Lamine Yamal 
Shqiptarja që gjykon ndeshjet e Champions League: Më kanë mërzitur mesazhet seksiste
Shkeljet financiare, Man.City rrezikon të përjashtohet nga të gjitha kompeticionetBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
