Super derbi mes Pejës dhe Golden Eagle Yllit

15:49, 07/12/2020

Në mesjavë do të zhvillohet xhiroja e gjashtë në Prince Caffe Superligë.

Ndeshja kryesore do të zhvillohet ndërmjet Pejës dhe Golden Eagle Yllit. Skuadra pejane është e vetmja në elitë, që ka pesë fitore në pesë ndeshje të zhvilluara, andaj pritet një ballafaqim shumë interesant mes këtyre dy skuadrave, që ishin përballur edhe në finale të Kupës, edicionin e kaluar, ku triumfuan pejanët.

Takimi tjetër i së martës do të zhvillohet mes Rahovecit dhe Trepçës. Vreshtarët kanë tri fitore dhe dy humbje, kurse mitrovicasit dy fitore dhe tri humbje, andaj pritet një duel shumë interesant.

Të mërkurën do të zhvillohet derbi i qytetit mes Ponte Prizrenit dhe Bashkimit. Takimet mes këtyre dy skuadrave kanë qenë shumë interesante në vitet e fundit dhe kështu pritet të jetë edhe në këtë përballje. Ponte ka dy fitore dhe tri humbje, kurse Bashkimi një fitore dhe katër humbje.

Sigal Prishtina pas fitores ndaj Ponte Prizrenit, do të ballafaqohet me Vëllaznimin. Prishtinasit kanë dy fitore dhe tri humbje, kurse skuadra kuqezi ka një fitore dhe katër humbje. 

Prince Caffe Superliga - Java 6

E martë 
15:00 Peja - Golden Eagle Ylli

15:00 Rahoveci - Trepça

E mërkurë 

15:00 Ponte Prizreni - Bashkimi

15:00 Sigal Prishtina - Vëllaznimi

© SYRI.net

Lexo edhe:

• Champions League/ Monaco-Barcelona, shikoni supergolin e Lamine Yamal
• Shqiptarja që gjykon ndeshjet e Champions League: Më kanë mërzitur mesazhet seksiste
• Shkeljet financiare, Man.City rrezikon të përjashtohet nga të gjitha kompeticionet