Munguan ndaj Qipros në sfidën e zhvilluar në “Loro Boriçi” dhe të fituar 4-0 nga vajzat tona, por situata në ekipin Kombëtar të femrave në prag të sfidës me Portugalinë ka ndryshuar.
Trajneri i Kombëtares së femrave, Armir Grima, futbollistja Mimoza Hamidi dhe përgatitësi atletik i kombëtares, Alban Shala, i janë nënshtruar të shtunën testeve COVID-19 me tampon dhe kanë rezultuar negativë.
Zyra e shtypit në FSHF bën me dije se po të shtunën kanë bërë tamponët edhe i gjithë delegacioni i kombëtares së femrave që do të niset për në Portugali, ku më datë 1 dhjetor do të zhvillohet ndeshja e radhës e eliminatoreve të Europianit.
Pas marrjes së përgjigjeve të analizave, bëhet me dije se futbollistja, Ezmiralda Franja dhe zv.trajneri Elis Legata kanë rezultuar pozitivë me COVID-19.
Të dy anëtarët e kombëtares janë karantinuar menjëherë dhe janë në gjendje të mirë shëndetësore.
Skuadra ka udhëtuar sot drejt Portugalisë, ndërsa me grupin janë bashkuar edhe trajneri Grima, Hamidi dhe Shala.
© SYRI.net
Zeka nuk mjafton për 'të kuqtë', Partizani ndan pikët në transfertën e Laçit
Kategoria e Parë/ Mazrekaj i jep fitoren Besës, Vora mposht Valbonën
Zyrtare/ Interi rinovon kontratën me mesfushorin kuqeziBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
