E mërkura e 25 nëntorit 2020 do të mbahet mend si një nga ditët më të trishtueshme të historisë së futbollit, pasi sot u nda nga jeta në moshën 60-vjeçare Diego Armando Maradona, shkruan Syri.net.
Maradona shkëlqeu në karrierën e tij, duke u bërë idhull i tifozëve jo vetëm në klubet ku luajti Argentinos Juniors, Boca Juniors, Barcelona, Napoli, Sevilla, apo edhe tek Argjentina, por në mbarë botën.
Diego u quajt “El Pibe De Oro” (Djaloshi i Artë), teksa me lojën e jashtëzakonshme dhe me golat e tij ka lënë kujtime të paharrueshme.
Maradona shënoi në karrierën me klube 259 gola, ndërsa 34 me kombëtaren e Argjentinës, me të cilën fitoi Kupën e Botës në vitin 1986.
Në videon e mëposhtme mund të shihni 10 golat më të bukur të Maradonës.
/ Florian Behlula / Syri.net /
© SYRI.net
Bëje LIKE dhe merr lajmin e fundit nga Sporti: