Arsenali dhe Leeds United nuk shkuan më larg se barazimi 0-0. Ekipi i Marcelo Bielsës dhe ai i Mikel Artetës nuk arritën të gjenin rrugën drejt rrjetës në sfidën e luajtur “Elland Road”.
“Topçinjtë” luajtën për gati 40 minuta me 10 futbollistë pas daljes me karton të kuq të sulmuesit Nikolas Pepe, i cili goditi me kokë futbollistin kundërshtar Ezgjan Alioski.
Ky rezultat nuk i shërben aspak Arsenalit , i cili qëndron në vendin e 11-të, larg zonës së kupave të Europës.
Pas ndeshjes, futbollisti i Arsenalit, Kieran Tirni, është nervozuar me Alioskin.
Pasi lojtarët përshëndetën njëri-tjetrin, 23-vjeçari iu afrua futbollistit shqiptar të Maqedonisë duke shkëmbyer disa fjalë.
Ndoshta kartoni i kuq për Nikolas Pepen e ka bërë skocezin Tierni të acarohet me Alioskin, pasi ky i fundit ishte protagonist në incidentin me sulmuesin e “Topçinjve”.
Më pas lojtari është qetësuar nga shokët e skuadrës, mes tyre dhe Granit Xhaka.
© SYRI.net
Bëje LIKE dhe merr lajmin e fundit nga Sporti: