Kosova ka marrë fitoren e parë për vitin 2020.
“Dardanët” mposhtën 1-0 Moldavinë në ‘Fadil Vokrri’ duel i fundit për edicionin e dytë në Ligën e Kombeve.
Skuadra që u drejtua nga Muharrem Sahiti në këtë ndeshje, dominoi ndeshjen që nga minuta e parë por nuk arriti të shënonte më shumë se një gol.
Ishte Lirim Kastrati i cili në minutën e 31’ realizoi golin e avantazhit për vendasit. Kosova në këtë ndeshje u desh të bëjë një zëvendësim të detyrueshëm, me Amir Rrahmanin që pësoi një lëndim, i cili i la vendin Fidan Alitit.
Minutat e fundit të ndeshjes, Kosova i zhvilloi me një lojtar më pak pasi Ibrahim Dresevic u ndëshkua me karton të kuq.
Me këtë fitore, Kosova numëron 5 pikë dhe renditet në vendin e tretë në grup, për të mbetur në Ligën C edhe për sezonin e ri.
© SYRI.net
Bëje LIKE dhe merr lajmin e fundit nga Sporti: