Përfaqësuesja e Kosovës në futboll sot zbret në fushën e stadiumit “Fadil Vokrri” për ta mbyllur kampanjën në Ligën e Kombeve për këtë edicion.
"Dardanët" ndeshën me Moldavinë dhe vetëm fitore duan, ndryshe e rrezikojnë edhe largimin nga Liga C në Ligën D, çka do të ishte një hap i madh mbrapa.
Kosova aktualisht është në pozitën e parafundit me vetëm dy pikë dhe nuk ka asnjë shanse të ngjitet më lart.
Në mungesë të tifozëve, "Dardanët" në kuadër të fushatës "Bëhu Zëri Im" kanë stolisur ulëset e stadiumit.
Kryetari i "Dardanëve", Lulzim Berisha ka thënë se kjo fushatë ka nisur që para ndeshjes me Shqipërinë.
"Kjo fushatë ka filluar që prej para ndeshjes me Shqipërisë, para ndeshjes lojtarët i kanë pasur disa fanella të veçanta për këtë fushatë", ka deklaruar Berisha në "Kanal10", përcjell "Zeri.info".
"Kemi pasur bashkëpunim me FFK-në, kështu që kjo është një fushatë sensibilizuese për të të mbijetuarat e dhunës seksuale në Kosovë", tregoi ai.
"Ka qenë e vështirë sepse janë mbi dhjetë mijë ulëse, por e meritojnë heroinat tona. Duhet t'u tregojmë të gjithëve se ka pasur një luftë të tmerrshme ndaj popullatës civile", shtoi "Luli".
© SYRI.net
Bëje LIKE dhe merr lajmin e fundit nga Sporti: