Shqipëria luan ditën e sotme ndeshjen e fundit në Ligën e Kombeve, teksa përballet në stadiumin “Air Albania” me Bjellorusinë.
Kuqezinjtë e drejtuar nga Edi Reja do të kërkojnë me çdo kusht fitoren, për të arritur edhe objektivin që është vendi i parë në grup.
Përsa i përket statistikave, mes dy kombëtareve në Ligën e Kombeve, kundërshtari është disi më mirë, teksa në 5 ndeshje të zhvilluara deri tani, ka grumbulluar 3 fitore, kundrejt 2 fitoreve që kemi grumbulluar ne.
Ndërkohë edhe sulmi i bjellorusëve është më mirë, teksa deri tani kanë shënuar 8 gola, ndërsa Kombëtarja jonë ka shënuar vetëm 2 gola.
Mbrojtja jonë duket më solide, teksa në 5 ndeshje ka pësuar vetëm 2 gola, ndërsa ajo e Bjellorusisë ka pësuar 5 gola.
Pra, duke iu referuar statistikave, sot përballen mbrojtja më e mirë (Shqipëria) me sulmin më të mirë (Bjellorusia) të grupit ku bëjnë pjesë edhe Kazakistani me Lituaninë.
© SYRI.net
Bëje LIKE dhe merr lajmin e fundit nga Sporti: