Emanuel Egbo lavdëron të gjithë ata që e ndihmuan dhe thotë se askush nuk mund të fshijë historinë e sukseseve të tij te Tirana.
“Së pari dua të falënderoj klubin Tirana për mundësinë që më dha në karrierë. Jam i pari afrikan që fitoj një titull në Evropë dhe të drejtoj në ndeshjet që skuadra e Tiranës luajti në UEFA Champions League e Europa League. E di që është e pamundur të fshihet historia, titulli dhe që çuam skuadrën në ‘play off’-in e Europa League- s”, tha fillimisht Emanuel Egbo për “BBC Africa Sport”.
Ish-trajneri ka folur edhe për ndonjë zhgënjim të mundshëm që mund të ketë pasur nga shkarkimi i menjëhershëm.
“Nuk kam ndonjë keqardhje apo të ndihem i zhgënjyer, sepse dhashë maksimumin dhe ekipi bëri po kështu. Në këto kushte unë i mbetem mirënjohës Zotit për atë që arritëm së bashku. U jam mirënjohës tifozëve të ekipit për mbështetjen e tyre të jashtëzakonshme dhe të ngrohtë ndaj meje dhe skuadrës.
Lavdëroj lojtarët për frymën e tyre të mrekullueshme dhe pozitive gjatë gjithë fushatës sonë sezonin e kaluar. U them të gjithëve: Ju lumtë, duke filluar nga ai që luajti pak e deri tek ai që ishte titullar i padiskutueshëm. Tani për tani nuk ka keqardhje, por mirënjohje për të gjithë”, mbylli Emanuel Egbo.
© SYRI.net
VIDEO/ Asani fantastik, Shqipëria kalon në avantazh
Shpërthen festa kuqezi, Ismajli barazon shpejt shifrat 
Liga e Kombeve/ Gjeorgjia 'masakron' me 4 gola Çekinë, merr kreun në grupin e ShqipërisëBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
