Danimarka fitoi derbin nordik ndaj Suedisë me rezultatin e pastër 2-0.
Në miqësoren e zhvilluar në Brondby, danezët iu falën golave të realizuar nga Wind dhe Bah në pjesën e dytë.
Sfidë spektakolare ndërkohë ajo mes Turqisë dhe Kroacisë që u mbyll në barazim 3-3.
Të dy trajnerët nuk hodhën në fushë formacionet më të mira, por ata që u aktivizuan dhanë më të mirën e tyre.
Turqia e mbylli pjesën e parë në avantazh me golat e Tosun dhe Turuc ndërsa për miqtë realizoi Budimir.
Në pjesën e dytë Kroacia përmbysi gjithçka me Pasalic dhe Brekalo, por Under barazoi shumë shpejt duke fiksuar rezultatin përfundimtar në 3-3.
Në ndeshjet e tjera Greqia fitoi 2-1 derbin ndaj Qipros.
Barazim pa gola mes Kazakistanit dhe Malit të Zi, ndërkohë Rumania mposhti 5-3 Bjellorusinë.
© SYRI.net
Bëje LIKE dhe merr lajmin e fundit nga Sporti: