Manchester United ka dalë triumfues nga dueli me Everton. “Djajtë e kuq” fituan me rezultatin 3-1 ndaj “Troffes”, në ndeshjen e vlefshme për javën e 8-të në Premier League.
Fillimisht ishte Everton që kaloi në avantazh. Në minutën e 19’ portieri i vendasve, Jordan Pickford gjuan fort një top në zonën kundërshtare, i cili përfundon te Calvert-Leëin. Ky i fundit arrin të gjejë Bernard që me një goditje tokazi mposht De Gea-n. Por avantazhi i “Troffes” zgjat fare pak.
6 minuta më vonë Manchester United, barazoi rezultatin 1-1, me anë të Fernandez. Pas një krosimi në zonë, mesfushori portugez gjuajti saktë me kokë, duke mposhtur portierin kundërshtar.Por pjesa e parë nuk do të mbyllej me kaq, pasi në minutën e 32’ skuadra e Manchester do të shënonte edhe golin e përmbysjes.
Ishte sërish Bruno Fernandez ai i cili shënoi për “Djajtë e kuq”. Mesfushori portugez dha një krosim në zonë për Rashford. Mirëpo ky i fundit nuk arriti ta prek topin, i cili për fat përfundoi në rrjetë.
Në pjesën dytë, ekipet nuk prodhuan raste për shënim. Suksesi United do të vulosej në kohën shtesë, falë golit të Edison Cavani, i cili shënoi golin e parë në Angli, pas asistit të Bruno Fernandes (1-3, 90 + 4). Ole Gunnar Solskjaer duhet të falënderojë mesfushorin e tij portugez, autor i një dygolëshi dhe një paraqitje fantastike.
Me këtë triumf skuadra e Manchester United u ngjit në vendin e 13-të në kuotën e 10 pikëve, ndërsa Everton mban vendin e 5-të me 13 pikë të grumbulluara.
© SYRI.net
Shënoi në ndeshjen e Champions-it, shikoni notën dhe statistikat e Qazim Laçit
Shkarkimin nga Bayern, Nagelsmann: Ishte periudhë ndryshimi, tranzicioni i vështirë
Daku, ndër më të mirët për gola dhe asisteBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
