Marsel Ismajlgeci duket se ka shansin e madh për të luajtur me kombëtaren e parë. Lojtari i krahut të majtë të bardhebluve ka marrë një ftesë nga Edi Reja për të qenë pjesë e skuadrës kuqezi që do të luajë një miqësore me Kosovën më 11 nëntor dhe më pas do të përballet në Ligën e Kombeve me Kazakistanin dhe Bjellorusinë në mes të këtij muaji.
Ftesa ka ardhur në klub, ndërkohë që lojtari do të quhet i ftuar përfundimisht kur Edi Reja të publikojë listën e lojtarëve për ndeshjet kualifikuese. Në fakt, Ismajlgeci është një nga ata lojtarë që ka kaluar me të gjitha moshat kuqezi. Ndeshjen e fundit ka qenë kapiten i 21-vjeçarëve.
Së bashku me Çelhakën ata janë dy zbulimet më të mëdha të Tiranës sezonin e fundit. Marseli përfitonte dhe nga fakti që Lorenc Trashi zor se do të jetë në grupin kuqezi, për shkak të bllokimit nga pandemia. Për Ismajlgecin ky është shansi i karrierës, sepse nëse grumbullohet luan dhe paraqitet mirë me shumë mundësi do të jetë pjesë e kombëtares në të ardhmen. (panoramasport)
© SYRI.net
Shënoi në ndeshjen e Champions-it, shikoni notën dhe statistikat e Qazim Laçit
Shkarkimin nga Bayern, Nagelsmann: Ishte periudhë ndryshimi, tranzicioni i vështirë
Daku, ndër më të mirët për gola dhe asisteBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
