Tirana ka mposhtur Kukësin në kryendeshjen e javës së parë të Kategorisë Superiore me rezultatin 2-0, falë dopjetës të futbollistit maqedonas Filip Najdovski.
Të dy golat shumë të ngjashëm me njëri-tjetrin, u realizuan me kokë nga maqedonasi, pas harkimeve nga krahu i majtë i goditjes së këndit.
Një nisje fantastike kjo për kampionët në fuqi të Superiores, edhe pse me 6 mungesa në formacion, arritën të mposhtnin verilindorët e Skënder Gegës, të cilët janë në letër një ndër skuadrat më të forta të kampionatit.
Në Kamzë, Partizani dështoi përballë Kastriotit debutues. Të kuqtë humbën 2-1, duke i bërë një nisje aspak të mirë sezonit të ri.
Da Silva (19’) dhe Rezi (87’) shënuan për krutanët, ndërsa Asani (65’) për ekipin e drejtuar nga Ilir Daja.
Takimi tjetër i luajtur në orën 13:45 ishte ai midis Bylisin dhe Laçit, i cili përfundoi në barazim 1-1.
Java e parë e Superiores do të kompletohet me sfidat Teuta-Skënderbeu dhe Vllaznia-Apolonia, që do të luhen në orën 16:45.
© SYRI.net
Zeka nuk mjafton për 'të kuqtë', Partizani ndan pikët në transfertën e Laçit
Kategoria e Parë/ Mazrekaj i jep fitoren Besës, Vora mposht Valbonën
Zyrtare/ Interi rinovon kontratën me mesfushorin kuqeziBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
