Një lajm i bujshëm është duke qarkulluar në mediat italiane, ku raportohet se Lazio rrezikon përjashtimin nga Seria A.
UEFA i ka ndaluar klubit lacial që të grumbullojë për ndeshjen e sotme në Ligën e Kampioneve, 3 lojtarë, Thomas Strakosha, Çiro Imobile dhe Lukas Leiva.
Në testet e kryera javën e kaluar, UEFA zbuloi se këta 3 futbollistë ishin pozitiv ndaj Koronavirusit dhe nuk mund të luanin në Champions.
Megjithatë pas tamponëve të kryer në Itali për ndeshjen me Torinon, Lazio njoftoi se 3 futbollistë ishin negativ dhe i grumbulloi për ndeshjen e kampionatit, madje Imobile dhe Leiva u aktivizuan në ndeshje, ndërsa Strakosha ishte në stol.
Për këtë, Federata italiane duke parë UEFA-n që i ndaloi përsëri 3 lojtarët të luajnë në Champions, ka nisur një hetim për Lazion, për 3 lojtarët që u grumbulluan në fundjavë.
Në rast se rezulton që Lazio ka bërë ndonjë parregullsi për t’i pasur gati, atëherë dënimi për ta do jetë i madh.
Sipas protokollit të caktuar dhe atyre që kanë firmosur klubet, skuadra italiane rrezikon nga zbritja e pikëve, te gjoba e majme dhe deri te përjashtimi nga kampionati.
Do të ishte një goditje e rëndë, por Federata po vazhdon me hetimet.
© SYRI.net
Zeka nuk mjafton për 'të kuqtë', Partizani ndan pikët në transfertën e Laçit
Kategoria e Parë/ Mazrekaj i jep fitoren Besës, Vora mposht Valbonën
Zyrtare/ Interi rinovon kontratën me mesfushorin kuqeziBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
