Sulmuesi i talentuar norvegjez, Erling Haaland, po vijon të shkëlqejë me fanellën e Borussias së Dortmundit, të cilën e ka veshur në 27 ndeshje zyrtare gjatë vitit 2020 dhe ka arritur të shënojë 24 gola, një mesatare kjo vërtetë e jashtëzakonshme.
Verdhezinjtë blenë sulmuesin gjatë merkatos së dimrit të kaluar nga austriakët e Salzburg, megjithatë duket se Haaland nuk do të qëndrojë gjatë në “Signal Iduna park”, pasi klubet më të mëdha europiane janë gati të bëjnë “çmenduri” për të marrë kartonin e tij.
Së fundi ka qenë ish-futbollisti gjerman, Lothar Mathaus, që në një intervistë për mediat vendase ka deklaruar se sulmuesi do të lërë Dortmundin verën e ardhshme, duke zbuluar edhe disa nga emrat e skuadrave që kërkojnë atë.
“Po bën shumë mirë dhe jam shumë i sigurt që do të largohet verën e ardhshme. Me informacionet që kam janë disa klube si Reali i Madridit, Barcelona, Manchester United dhe Liverpool, por këta të fundit janë dukshëm të avantazhuar për të marrë shërbimet e tij”, u shpreh Mathaus.
Sulmuesi u transferua te Borussia e Dortmundit për shifrën e 20 milionë eurove janarin e kaluar, por tani verdhezinjtë shpresojnë të arkëtojnë të paktën 100 milionë euro nga kartoni i tij, shifër kjo shumë e madhe, por mosha dhe forma e Haaland duket se e justifikojnë.
© SYRI.net
Zeka nuk mjafton për 'të kuqtë', Partizani ndan pikët në transfertën e Laçit
Kategoria e Parë/ Mazrekaj i jep fitoren Besës, Vora mposht Valbonën
Zyrtare/ Interi rinovon kontratën me mesfushorin kuqeziBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
