Partizani është gati për ndeshjen e parë të kampionatit ndaj Kastriotit në Fushë-Krujë, por edhe trajneri Ilir Daja është gati për të debutuar në stolin e të kuqve në Kategorinë Superiore.
Në konferencën për shtyp para ndeshjes ndaj skuadrës krutane, Daja foli për shumë tema, përfshirë edhe bojkotin dhe anën pozitive të tij, për merkaton e munguar, por edhe për takimet miqësore, ndërkohë që preku edhe problematikën e stadiumeve.
“Ana pozitive e bojkotit është fakti që kemi pasur më shumë kohë për të punuar, pasi trajneri ka nevojë të aplikojë filozofinë e tij tek ekipi i ri. Nga ana tjetër, jemi gati për fillimin e sezonit të ri.
Problematika kanë edhe stadiumet, të gjithë ndeshjet do të luhen në transfertë. Nesër kemi një ndeshje të vështirë me Kastriotin. ata kanë tre vite që luajnë bashkë, kanë krijuar eksperiencë, janë përforcuar me disa elementë të mirë. Kanë bërë performanca të mira në miqësore, në aspektin e lojës dhe rezultatit.
Miqësoret kanë qëllim kryesor, sidomos te Partizani, eksperimentimin. Nuk janë tregues konkret, të gjithë stafet, lojtarët dhe arbitrat janë në kushte të qeta. Gjithmonë nuk janë tregues i vërtetë ndeshjet miqësore. Çfarëdo përgatitje të bësh je me ngarkesë në limite. Ngarkesa në kufi janë ndeshjet zyrtare, të kampionatit dhe Kupës së Shqipërisë.
Ne do fokusohemi vetëm te Partizani. Në stilin tonë të punës i studiojmë kundërshtarët, ja u prezantojmë edhe lojtarëve. Ne do të ecim nën moton që çdo ndeshje është e barabartë me 3 pikë. Do të vlerësojmë vetëm ndeshjen e radhës, nuk do merremi me çfarë bëjnë kundërshtarët tanë.
Të gjithë lojtarët janë në dispozicion, përveç Llanajt, i cili nuk është i gatshëm. Melo ka hasur probleme në ndeshjen e Kupës, por do të jetë gati për ndeshjen e kampionatit. Partizani ka gjithmonë objektiva maksimale.
Disa lojtarë kanë qenë pjesë e ekipit që u shpall kampion; Hoxha, Belica, Bardhi. Asani dhe Mala janë vlerë e shtuar. I vetmi problem, që nuk është i vogël, por që mundohemi ta minimizojmë, është ndarja jo në raporte të rregullta e lojtarëve në pozicionet e tyre.
Merkato e munguar? Brenda ekipit ka lojtarë me eksperiencë dhe potencial të madh individual. Vlerat e Hoxhës dihen, Belica është një pikë e fortë e ekipit, është edhe zv kapiteni i ekipit. Nuk është hera e parë që punoj në kushte të tilla. Nuk e bën Ilir Daja të çojë Partizanin drejt titullit, çelësi i suksesit te një ekip është bashkëpunimi.
Asgjë nuk ka munguar nga presidenti, drejtori i rri afër ekipit, administrata ka bashkëpunim. Janë edhe lojtarët, vjet nuk luajtën një kampionat të mirë, ndërsa parvjet dolën kampionë”, tha tekniku i të kuqve, Ilir Daja.
© SYRI.net
Zeka nuk mjafton për 'të kuqtë', Partizani ndan pikët në transfertën e Laçit
Kategoria e Parë/ Mazrekaj i jep fitoren Besës, Vora mposht Valbonën
Zyrtare/ Interi rinovon kontratën me mesfushorin kuqeziBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
