Komisioni i Disiplinës dha vendimet e tij për ndeshjet e luajtura gjatë ditës së djeshme për Kupën e Shqipërisë. Dënimi më i ashpër është ai i Luftëtarit, i cili dënohet me mospjesëmarrje në sezonin e ardhshëm të Kupës së Shqipërisë duke qenë se nuk u paraqit ndaj Elbasanit.
Lojtari i Skënderbeut, Shqiprim Taipi u dënua me një ndeshje për shkak të protestave të ashpra ndaj zyrtarit të ndeshjes. Disiplina ka treguar se po shfaqet me dorë të hekurt në këto vendime të para.
Vendimet e plota:
1. Lojtari i FK Dinamo, Plarent Fejzaj, për sjellje josportive ndaj kundërshtarëve, në bazë të Nenit 47/1/d të KDS dënohet me 4 (katër) ndeshje pezullim nga aktiviteti futbollistik.
2. Zyrtari i KF Egnatia, Klaudian Dervishi, për protestë ndaj vendimeve të zyrtarit të ndeshjes, në bazë të Nenit 55/2 të KDS dënohet me 2 (dy) ndeshje pezullim nga aktiviteti futbollistik.
3. Lojtari i KF Skënderbeu, Sciprim Taipi, për sjellje josportive ndaj kundërshtarit, në bazë të Nenit 47/1/d të KDS dënohet me 1 (një) ndeshje pezullim nga aktiviteti futbollistik.
4. Lojtari i FK Tomori, Orgest Gava, për sjellje josportive ndaj kundërshtarit, në bazë të Nenit 47/1/d të KDS dënohet me 2 (dy) ndeshje pezullim nga aktiviteti futbollistik.
5. KF Luftëtari, për braktisjen e ndeshjes së vlefshme për Kupën e Shqipërisë kundër FK Elbasani, në bazë të nenit 54/1 të KDS dhe Nenit 109/2/a/c të Rregullores së Veprimtarisë Futbollistike humbet ndeshjen në tavolinë me rezultatin 3-0 dhe dënohet me mospjesëmarrje në sezonin pasardhës të Kupës së Shqipërisë.
© SYRI.net
Bëje LIKE dhe merr lajmin e fundit nga Sporti: