Ndonëse kanë dy muaj që përgatiten për startin e sezonit, duket se fundi i bojkotit nuk i gjetiu të gjithë klubet gati, pasi Tirana nuk e ka vendosur ende se ku do të presë Kukësin në sfidën e të mërkurës.
Shorti i këtij sezoni ishte mjaft interesant, pasi goglat përcaktuan përballjen e kampionëve dhe nën kampionëve të sezonit të kaluar që në javën e parë, megjithatë kur jemi vetëm 4 ditë para ndeshjes, ende nuk është caktuar stadiumi.
Kjo pasi dy stadiumet e kryeqytetit, por edhe “Elbasan Arena” janë të mbyllur momentalisht, duke qenë se vjeshta është periudha kur në fushën e këtyre impianteve bëhet mbjellja e barit dhe duhen rreth 3 javë për të rinisur aktivitetin normal në to.
Sfidën e të dielës ndaj Shkumbinit, bardheblutë kanë vendosur ta luajnë në “Skënder Halili”, por ky impiant nuk shihet si i përshtatshëm për të pritur një përballje si ajo ndaj Kukësit të mërkurën.
Pikërisht për këtë arsye bardheblutë po mendojnë “shtegtimin” dhe kanë marrë në konsideratë stadiumet e Laçit dhe Korçës për këtë përballje, duke qenë se si kurbinasit ashtu edhe Skënderbeu luajnë në transfertë.
Gjithsesi drejtuesit e klubit bardheblu po negociojnë dhe po shqyrtojnë çdo alternativë të mundshme, ndaj në orët e ardhshme pritet që të caktohet edhe stadiumi që do të presë sfidën më të rëndësishme të javës.
© SYRI.net
Zeka nuk mjafton për 'të kuqtë', Partizani ndan pikët në transfertën e Laçit
Kategoria e Parë/ Mazrekaj i jep fitoren Besës, Vora mposht Valbonën
Zyrtare/ Interi rinovon kontratën me mesfushorin kuqeziBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
