Një tjetër talent me të ardhme të ndritur pritet të lulëzojë. Bëhet fjalë për 17-vjeçarin, Adrion Pajaziti, i cili ka bërë një hap të madh në karrierën e tij, duke nënshkruar kontratë profesioniste deri në vitin 2022 me klubin e Fulhemit që militon në Premier Ligë.
Mesfushori i cili është pjesë e Kombëtare U-19 të Shqipërisë, konsiderohet si një talent me të ardhme të madhe në Angli. Ka qenë vetë klubi i Fulhemit, që nëpërmjet një njoftimi në faqen zyrtare ka pasqyruar firmosjen e kontratës profesioniste me talentin shqiptar, i cili është aktivizuar këtë sezon 3 herë titullar me skuadrën e 23-vjeçarëve të Fulhemit, si dhe u aktivizua me ekipin e parë në ndeshjen e vlefshme për kupën EFL kundër Peterborought.
Pajaziti është duke kaluar një moment fantastik te akademia e klubit bardhezi, madje të shtunën e kaluar shënoi me ekipin U-18. “Unë jam shumë i lumtur për nënshkrimin e kontratës profesioniste. Jam pjesë e Fulhemit për afro shtatë vjet tani, duke kaluar nëpër grupe të ndryshme moshe.
Kjo thjesht tregon se po përparoj mirë dhe klubi beson te mua. I jam mirënjohës stafeve teknike. Do vazhdoj të përmirësohem akoma më shumë. Shpresoj që fillimisht të konsolidohet te ekipi i U-23 për të marrë më shumë minuta”, u shpreh talenti shqiptar në prononcimin e tij.
© SYRI.net
Zeka nuk mjafton për 'të kuqtë', Partizani ndan pikët në transfertën e Laçit
Kategoria e Parë/ Mazrekaj i jep fitoren Besës, Vora mposht Valbonën
Zyrtare/ Interi rinovon kontratën me mesfushorin kuqeziBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
