Nuk kanë vetëm famë dhe lavdi por edhe momente negative dhe shpesh mjaft të frikshme në jetën e tyre.
Futbollistët sidomos vitet e fundit kanë kaluar momente të ndryshme në lidhje me pasuritë e tyre.
Shumë nga profesionistë të futbollit kanë rënë pre të grabitjes apo dhe sulmeve.
Të fundit në listë radhiten Douglas Costa dhe Cristiano Ronaldo, por lista është me të vërtetë e gjatë ...
Ndër lojtarët e fundit që kanë qenë viktimë e një grabitjeje është Douglas Costa i cili natën e kaluar pa shtëpinë e tij në Torino të vjedhur. Dyshohet se atij i janë grabitur sende me vlerë.Vlera mbetet për tu diskutuar.
Cristiano Ronaldo ditën e djeshme i është grabitur shtëpia e tij në Madeira duke marrë sende me vlerë por edhe me rëndësi emocionale si bluza me autografe. Vlera mbetet për tu diskutuar.
Një vjedhje tjetër e pësuar nga lojtarët është ajo e vitit 2019 me protagonist mesfushorin e Lazios Sergej Milinkovic-Savic. Ndërsa lojtari ishte në fushë kundër Juventusit në një ndeshje kampionati, vila e tij në Formello u grabit nga disa hajdutë. Sendet e vjedhura kapnin shifrën 100,000 €.
Duke u kthyer në kohë, ishte viti 2015 kur Mauro Icardi, ndërsa po parkonte automjetin e tij jashtë rrugës në Milano në Viale Elvezia, u grabit nga dy persona me motor, të cilët i kërkuan para. Sulmuesi, ish-kapiteni i Interit, u detyrua të dorëzojë orën e tij me vlerë mbi 40 mijë euro.
Ish-kapiteni i Napolit Marek Hamsik. i ka ndodhur e njëjta gjë. Në vitin 2008, kur ishte afër stadiumit San Paolo i'u afruan dy burra me motor të cilët, duke e kërcënuar me armë, i morën orën dhe një çantë që kishte brenda 800 euro, dokumente dhe çelësa shtëpie.
Një aventurë me fund të lumtur për mbrojtësin e Juventusit, Leonardo Bonucci. Në vitin 2012, atij iu afrua një burrë që i drejtoi një armë në fytyrë dhe e urdhëroi të dorëzonte orën. Në atë rast, ai provoi mënyrën e dialogut vetëm pak minuta më vonë futbollisti e hodhi me një grusht hajdutin i cili në atë moment iku i frikësuar.
Edhe Allan ka qenë viktimë e një vjedhjeje ose më mirë, të një përpjekjeje për vjedhje. Disa të huaj kanë hyrë në katin e dytë të shtëpisë ku ai jetonte me familjen e tij në Pozzuoli gjatë natës. Kjo ka qënë arsyeja që i ka frikësuar hajdutët të cilët kanë preferuar të shmangin telashet dhe të shpëtonin.
Ishte viti 2015 kur Paul Pogba i janë grabitur bizhuteri prej ari dhe rroba të shtrenjta. Francezi, duke u kthyer në shtëpinë e tij në rrethin Santa Rita të Torinos, pas një ndeshje në Milano me Interin, vuri re vizitën e padëshiruar.
Gjithashtu në zonën e tornese, ish-futbollisti Claudio Marchisio gjithashtu mori një "vizitë" të padëshiruar me hajdutë të armatosur me armë dhe kaçavida që kërcënuan ish-lojtarin e Juventusit dhe gruan e tij. Më pas hajdutët ikën me bizhuteritë dhe orët e vjedhura.
Në vitin 2017, një tjetër vjedhje. Këtë herë viktima ishte Mauricio Pinilla. Pikërisht kur ai ishte në shtëpinë e kunatës së tij për të parë finalen e Kupës së Konfederatave atë vit, i humbur nga Kili i tij kundër Gjermanisë, ish-sulmuesi i Genoa gjithashtu përfundoi në mes të hajdutëve që grabitën shtëpinë e tij pranë Santiago . Shuma që atij ju vodhën ishte pothuajse 2 milion euro.
© SYRI.net
Bëje LIKE dhe merr lajmin e fundit nga Sporti: