Hapësira prej mbi 90 mijë metrash tek fabrika e tullave në kryeqytet ishte kërkuar nga kryetari i Komunës së Prishtinës që të shpallet zonë e veçantë me interes publik për tu ndërtuar objekte dhe hapësira të ndryshme për qytetarët.
Në mesin e viti 2010 qeveria e kuvendi aprovuan kërkesën e të parit të Prishtinës, por që as pas dhjetë vjetësh nuk është kryer shpronsimi i saj edhe pse aty janë realizuar disa projekte, mëson "Syri.net".
E si duket kjo punë ishte harruar, por që ata që po kërkojnë shpronësimin janë mbi 100 puntorët e fabrikës, e të cilët duan ti marrin rreth 5 milionë eurot e 20 përqindshit, të cilat janë paguar nga Komuna e Prishtinës.
"Syri. net", mëson nga Qeveria e Kosovës se në mbledhjen e pasditës së sotme pritet të shqyrtohet propozim vendimi përfundimtar për shpronësimin për interes publik të pronave të paluajtshme ish shoqërore të NSH IMN Kosova ish Fabrika e Tjegullave në Prishtinës, të cilat janë të nevojshme për realizmin e projekteve të Komunës së Prishtinës.
Me 16 qershor të vitit 2010 Qeveria e Kosovës e drejtuar nga kryeministri Hashim Thaçi, kishte marr vendim pas kërkesës së kryetari të Komunës së Prishtinës SHpend Ahmeti të shpallet zonë e veçantë ngastra kadastrale3114-1 deri 3125- 2 me sipërfaqe të tërsishme prej 90 mijë e 736 metra në katror te
vendi i quajtur Lama e Druve dhe e cila ishte pronës e IMN Kosova.
Edhe Kuvendi me 8 korrik të vitit 2010 ka miratuar vendimin e qeverisë për ta shapllur atë vend zonë të veçantë e kur kryetar ishte Jakup Krasniqi.
Derisa Komuna e Prishtinës me 14 maj e 9 dhjetor të vitit 2019 ka paguar 4 milionë e 837 mijë e 467. 82 euro.
Edhe kryetari i Prishtinës Shpend Ahmeti ka treguar për ecurinë e këtij procesi. ku kërkesa e tij është miratuar nga kuvendi e qeveria.
Derisa ai tregon se me 2 tetor 2011, Ministria e Financave e bëri vlerësimin e pronës në shumën prej 23 milionë e 216 mijë e 220 euro.
"Me 27 dhjetor 2018 kryetari i Komunës së Prishtinës ka nënshkruar marrëveshje për pagesën e shpronsimit me drejtorin Valon Tolaj nga Agjencia e Privatizimit. Ne kemi kryer obligimin tonë", tha Ahmeti.
Ai tregoi se pagesa prej 4 milionë e 837 mijë e 467. 82 euro, është paguar me 14 maj e 9 dhjetor të vitit 2019.
Kryetari i Prishtinës thotë se komuna ka kryer të gjitha obligimet e saja bazuar në vendimet e qeverisë, kuvendi dhe AKP-së.
Ai ka kërkuar nga kryeministri Avdullah Hoti me 2 korrik 2020 që në mbledhjen e qeverisë të vendosin si pikë të rendit të ditës, vendimin përfundimtar për shpronsimin nga qeveria.
E sipas kësaj marrëveshje komuna do të paguaj 20 për qindshin e e puntorëve të ndërmarrjes
Kryetari i BSP-së Avni Ajdini, tregon për "Syri.net", se me 17 gusht e 23 shtator të këtij viti i kanë kërkuar kryeministrit Avdullah Hotit marrjen e vendimit për ndarjen e 20 për qindshit të puntorëve.
Ai po ashtu për pagesën e 20 për qindshit i ka kërkuar edhe kryetarit të Prishtinës dhe vendimin për shpronsim.
Sipas tij puntorëve u intereson marrja e parave e jo politika, derisa aty janë ndërtuar shkollë, rrugë e park e tjera.
Pse bëhet pengesë shpërndarja e 20 për qindshit ndaj puntorëve që janë viktimë nga 16 qershori i vitit 2010? Nëse nuk merret vendimi, do të ketë protesta nga puntorët ndaj qeverisë deri në realizmin e kësaj të drejte të puntorëve.
"Syri.net", ka kërkuar sqarime nga Qeveria e Kosovës, Agjencia e Privatzimit e Komuna e Prishtinës, për vonesat e shpronsimit të kësaj prone dhe ndarjen e 20 për qindshit për puntorët, por nuk ka ma marr përgjigje.
Derisa burimet të "Syri.net", nga qeveria thonë se edhe kjo pikë pritet të shqyrtohet në mbledhjen e pasdites së Qeverisë së Kosovës.
© SYRI.net
Jepen mendime për Ligjin për Shërbime Sociale dhe Familjare 
Ja kush do ta pajisë me CT Spitalin e Ferizajt
Shi e borë në Kosovë 
Denonco
Merrni lajmet më të fundit nga SYRI.net në çdo moment dhe kudo që të jeni!
