Avokati, Tomë Gashi dhe gazetari, Milaim Zeka, e kanë shfrytëzuar edhe një herë hapësirën mediale që të jenë në qendër të vëmendjes.
Kësaj here, në njërin nga TV lokale në vend, Zeka e Gashi kanë lëshuar fyerje e ofendime karrshi njëri-tjetrit drejtëpërsëdrejti në emision.
“Mos ha m** me folë…..“O ma hongsh ti mu… shko në tre p**** të nanës” ishin vetëm disa nga fjalët që shikuesit kosovarë nuk ishin mësuar të I dëgjonin në mediat kosovare.
Ky fjalor i përdorur, nuk iu ka pëlqyer aspak fytyrave publike e as qytetarëve, të cilët kanë hedhur kritika për degjenerimin e debateve televizime, duke I lënë fajtor edhe vetë drejtuesit e emisioneve.
Publicisti, Enver Robelli, ka thënë se ka një kohë të gjatë që jo pak studio televizive janë bërë si pavijone të psikiatrisë.
Kjo sipas tij, sjell klikime nga klikanët, por vlera e debateve ku njerëzit shahen me fjalorin me vulgar, më të pistë, më të ndyrë, vlera e këtyre debateve është ‘ZERO’ sipas Robellit.
“ Aman, shkoni atje ku e keni vendin dhe kursejeni publikun nga vulgaritetet personale. Publiku s'iu ka borxh as juve që shaheni, as atyre që ua krijojnë hapësirën për tu sharë”, shkruan Robelli në Facebook.
E Taulant Hoxha, i lë fajtor vetë televizionet për situatën e krijuar.
“Është fyerje e inteligjencës tonë me i ftu në emision do karikatura prej personash publik, e mandej me e lujt rolin kishe po befasoheni prej fjalorit e sjelljeve të tyne” ka shkruar Hoxha në Facebook.
“Kjo i bjen si me e fut një qen në dhomë, me ja afru edhe një qen tjetër, me ja bo "skybee" e me u habit pse po lehin” shton tutje Hoxha.
Gazetari dhe analisti Berat Buzhala, thotë se kjo gjuhë e përdorur është e papranueshme, duke icilësuar ‘fore’ ligjëratat e drejtuesve të emisioneve pas eskalimit të situatës.
Sipas tij, televizionet ‘vdesin’ të i sjellin dy persona në studio, që mundësisht edhe me u rrehë, e mandej kur të eskalon situata, ashtu siç kanë shpresur, çohen edhe i mbajnë disa ligjërata morale.
"Nuk ka kuptim kështu. Kjo është gjuha e papranueshme. Nuk ka kuptim prej publikut".
Kujtojmë se në televizionet kosovare, pati edhe raste kur debati eskaloi deri tek përdorimi i dhunës.
Ishte ish-deputeti, Milaim Zeka i cili vite më parë u sulmua nga ish-deputeti i VV'së, Frashër Krasniqi në atë kohë, Live në emision.
Por, as avokati Tomë Gashi, nuk kaloi pa u përfshirë në konflikt me përfaqësuesin e PSD-së Nol Nushin, me të cilin u ndesh fizikisht, pas akuzave të ndërsjellta që hodhën mes vete.
E pjesë e një sulmi, pas përfundimit të emisionit, ishte edhe ish-zëvendëskryeministit Haki Abazi, i cili u përplas me ish-deputetin Dardan Molliqaj me të përfunduar emisioni.
© SYRI.net
Jepen mendime për Ligjin për Shërbime Sociale dhe Familjare 
Ja kush do ta pajisë me CT Spitalin e Ferizajt
Shi e borë në Kosovë 
Denonco
Merrni lajmet më të fundit nga SYRI.net në çdo moment dhe kudo që të jeni!
