Kryeministri i Kosovës, Avdullah Hoti, ka shprehur ngushëllime me rastin e vdekjes së aktorit të madh shqiptar, Adem Mikullovci, duke thënë se ai do të mbetet përherë frymëzim për brezat e rinj, për artin dhe për atdhedashurinë.
Përmes një postimi në profilin e tij zyrtar në rrjetin social Facebook, Hoti ka thënë se Mikullovci ishte pjesë e gëzimeve dhe festave në familjet shqiptare.
Sipas tij, përveç që ishte një artist i shkëlqyer, ai ishte edhe atdhetar i pashoq.
Hoti shtoi se aktori me veprat e tij artistike dhe dashurinë që kishte ndaj të bukurës, ka lënë një trashëgimi të shkëlqyer në artin dhe kulturën tonë.
Adem Mikullovci vdiq sot në ora 00:20, menjëherë pas mesnatës.
Varrimi i tij do bëhet sot në ora 16:00 në varrezat e qytetit në Prishtinë.
Postimi i plotë i Hotit:
Aktori i madh shqiptar, Adem Mikullovci, na paska lanë e paska ikë nga kjo botë, por vepra e tij asnjëherë nuk do të na lërë.
Ai ishte përherë pjesë e gëzimeve dhe festave në familjet tona. Me veprat e tij artistike dhe dashurinë që kishte ndaj të bukurës, ai ka lënë një trashëgimi të shkëlqyer në artin dhe kulturën tonë.
Ai do të mbetet përherë frymëzim edhe për brezat e rinj, për artin por edhe për atdhedashuri. Përveç që ishte një artist i shkëlqyer, ai ishte edhe një atdhetarë i pashoq. Bacën Adem përherë do ta kujtojmë edhe si njërin prej delegatëve të Kuvendit të Kosovës nga vitet 1990 – 92, kur u shpall deklarata Kushtetuese dhe ajo e Pavarësisë së Kosovës.
Në emrin tim dhe të Qeverisë së Republikës së Kosovës, i shpreh ngushëllime të sinqerta familjes dhe të gjithë komunitetit të artistëve.
Lavdi jetës dhe veprës së Bacës Adem!
© SYRI.net
Jepen mendime për Ligjin për Shërbime Sociale dhe Familjare 
Ja kush do ta pajisë me CT Spitalin e Ferizajt
Shi e borë në Kosovë 
Denonco
Merrni lajmet më të fundit nga SYRI.net në çdo moment dhe kudo që të jeni!
