Dosja 'Babale'/ Deputeti i PD, Salianji: Duan mandatin tim, ja çdo bëj çdo ditë pas vendimit të Apelit

19:46, 25/09/2024

Një ditë para vendimit të Gjykatës së Apelit për dosjen e njohur si “Babalja”, deputeti i PD, Ervin Salianji, i cili rrezikon dhe dënimin për këtë çështje me akuzën se ka bërë kallëzim të rrem publik, ka publikuar disa përgjime të drejtuesve të policisë me Fredi Alizotit.

I ftuar në A2, Salianji pohoi se këto përgjime janë zyrtare të ish-Prokurorisë së Krimeve të Rënda dhe sipas tij, janë të përfshirë kupola drejtuese e policisë dhe prokurori i çështjes, që kanë paguar para për dëshmitarin e rremë.

Salianji tha se e gjitha po bëhet për të shmangur një dënim të ri për vëllanë e ish-ministrit Xhafaj.

Salianji: Nuk ndodh që të më vendosen prangat, pasi unë jam ende me mandat dhe nuk ka asnjë mundësi. E vërteta e kësaj historie, është e konfirmuar që e gjithë infrastruktura shtetërore është vendosur për të shpëtuar nga burgu i ri vëllanë e ministrit të Brendshëm. E gjitha kjo stisje që ka të bëjë me denoncimin tim gjasme të pavërtetë bëhet për të shmangur një dënim të ri për Agron apo Geron Xhafajn, i cili lehtësohej në aktivitetin e tij të drogës nga vëllai Fatmir Xhafaj, në atë kohë ministër i Brendshëm. E gjitha është një stisje, pasi nuk është gjetur asnjë kontakt i imi me atë person. 

I pyetur nëse e ka menduar ndonjëherë të arratiset, ai është shprehur se bën pjesë tek ata persona që përballet.

Salianji: Unë jam nga ata që përballem dhe nuk i arratisem asnjë gjëje, jo më t’i arratisem një gjëje që është e paligjshme. I gjithë diskutimi bëhet si të trembin zyrtarët e tjerë të opozitës që të mos bëjnë denoncime. Nëse do të ketë një vendimmarrje të padrejtë, do të më nxisë akoma më shumë që jo vetëm të bëjë Vettingun për gjithsecilin, por do të ketë edhe më shumë kohë për të bërë dhe shkruar më shumë kallëzime penale për funksionarët.

Gjithashtu Salianji tregoi çdo të bëjë nëse do të dënohet.

Salianji: Merakun te mandati e kanë. Nëse e mendojnë se kjo është një zgjidhje, unë do të jem në një funksion të ri në Partinë Demokratike dhe do të bëjë denoncime të përjavshme, duke e kthyer në një rubrikë më vete./  A2/ 

© SYRI.net

Lexo edhe:

• Takimi i Ramës në SHBA/ Vasili: Diaspora e Shqipërisë në të ardhmen e afërt
• Aksident tragjik në Orikum/ Makina përplas për vdekje 46-vjeçarin me biçikletë
• Berisha: Kishim rrogat më të ulëta, kemi rrogat më të ulëta përsëri! ‘Rritja ekonomike’ e Ramës ka sjellë rritje të çmendur të çmimeve