Kryeministri Edi Rama deklaroi se nuk do të ketë një referendum, sa i përket idesë së tij, për krijimin e nje shtet Sovran të bektashinjëve, në Shqipëri. Gjatë takimit, me diasporën e Amerikës, Rama mbrojti planin e tij, duke thënë se procesi do jetë në përputhje me kushtetutën, edhe pse kushtetuta e përcakton qartë se republika e Shqipërisë është shtet unitar dhe i pandashëm.
SYRI TV
Kryeministri Edi Rama ka mbrojtur idenë e tij, për krijimin e një shteti Sovran të urdhërit të bektashinjëve, gjatë takimit me komunitetin shqiptar, në Amerikë. Ndërsa, përfaqeuesit e diasporës, u shprehën të shqetësuar për planin e kryeministrit, duke i kërkuar që idenë, ta hedhë për konsultim publik, kryeministri Edi Rama bëri të qartë se nuk do të lejojë një referendum për këtë çështje. Rama deklaroi se plani i tij për krijimin e shtetit të ri Sovran, do të behet konform kushtetutës, pa shpjeguar si do të realizohet kjo gjë, sa kohë që në nenin 1, pika 2 e kushtetutës, përcaktohet qartë se Republika e Shqipërisë është shtet unitar dhe i pandashëm.
Sa i përket shqetësimeve në rritje, se kjo ide e kryeministrit nxit precedente të rrezikshëm edhe për krijimin e enklavave serbe në Kosove, Rama i cilësoi si idiotësi.
Më herët, përmes një shenimi në Facebook, kryeministri Edi Rama njoftoi nisjen e punës për krijimin e një shtetit Bektashian brenda shtetit Shqiptar, duke paralajmëruar ndryshim të legjislacionit që do ti hapë rrugë realizimit të projektit, për të cili Rama pranoi se tani është vetëm një ide.
© SYRI.net
Berisha: Kishim rrogat më të ulëta, kemi rrogat më të ulëta përsëri! ‘Rritja ekonomike’ e Ramës ka sjellë rritje të çmendur të çmimeve
Berisha: Çfarë investimi të madh ka pasur këto 11 vite, përveç atyre të trashëguara nga qeveria e mëparshme?
Berisha: Kullat e korrupsionit dhe drogës kanë përpirë 4 miliardë euro, kjo nuk është rritje ekonomike por ndëshkim për qytetarët
Denonco
Merrni lajmet më të fundit nga SYRI.net në çdo moment dhe kudo që të jeni!
