Është sjellë më në të fund në Shqipëri, i arratisuri Kujtim Demiri, i cili i ishte arratisur drejtësisë që në vitin 2010. Ai ishte dënuar nga Krimet e Rënda me 15 vjet burg për shfrytëzimin e fëmijëve të mitur në Greqi për të lypur duke ushtruar dhunë.
Policia e Shtetit njoftoi se bashkëpunimi midis Interpol Tirana dhe Interpol Athina mundësoi arrestimin dhe ekstradimin e këtij të kërkuari nga Greqia në Shqipëri
Më datë 20 gusht 2024, pas një bashkëpunimi intensiv dhe shkëmbimi informacioni mes Interpol Tirana dhe Interpol Athina u realizua arrestimi dhe ekstradimi nga Greqia i shtetasit Kujtim Demiri.
Ky shtetas ishte shpallur në kërkim ndërkombëtar nga Interpol Tirana më datë 6 janar 2018, pasi Gjykata e Shkallës së Parë për Krimet e Rënda, me vendimin e datës 1 shkurt 2010, e ka dënuar me 15 vjet burg, për veprën penale “Trafikimi të miturve”, parashikuar nga neni 128/b/2 , i Kodit Penal.
Sipas vendimit, shtetasi Kujtim Demiri ka marrë nga Shqipëria në Greqi një fëmijë të mitur dhe e ka shfrytëzuar për të lypur në Greqi nën ushtrimin e dhunës.
© SYRI.net
Reagimi i Bankës së Shqipërisë ndaj kredive të këqija: A është zgjidhje kufizimi i kredhidhënies?
Në burg për skandalin seksual/ Safet Gjici lë qelinë, shtrohet në spital
Berisha: Thirrja ime për komunitetin ndërkombëtar, mos e mbështesni monstrën që krijuat se s’do tolerojmë më
Denonco
Merrni lajmet më të fundit nga SYRI.net në çdo moment dhe kudo që të jeni!
