Ndërsa nuk u afrohet dot krimeve zgjedhore të denoncuara nga opozita dhe mediat me prova e fakte në SPAK, sepse në të gjitha del Rama dhe ministrant e deputetët e tij, Altin Dumani ka shpërndarë këtë pasdite një lajm se po “mësyn” në KQZ për të kërkuar informacion për një dosje tenderash.
Lajm për të krijuar idenë se po punohet e po hetohet, por mbi 40 kallëzime për krimet elektorale janë kyçur në sirtarët e SPAK, sepse SPAK nuk heton dot Rilindjen.
Kallëzimi për zhvendosjen e 1.3 mln votuesve nga listat zgjedhore, ku falë kësaj manovre të Rilindjes mbi 200 mijë votuesve, bazuar në raportimet e Kreut të KQZ, ju është mohuar e drejta për të votuar.
Krimet zgjedhore në Dibër e Durrës gjithashtu nuk preken me dorë nga SPAK, por hidhen sa në një prokurori në tjetrën për të mos bërë hetime. Dosjet 339 dhe 184 u varrosën për të shpëtuar anëtarët e bandës së Rilindjes.
Sipas njoftimit të shpërdarë për mediat thuhet se SPAK ka dërguar një kërkesë për informacion në KQZ në lidhje më një tender për pajisjet elektronike të votimit në KQZ për zgjedhjet në vendin tonë.
Kërkesa e drejtuar ndaj KQZ-së mban emrin e kreu të SPAK-it Altin Dumani dhe është firmosur më datë 16 gusht 2024
“Prokuroria e Posaçme Kundër Korrupsionit dhe Krimit të Organizuar, për nevoja të hetimeve që po zhvillohen kërkon nga ana juaj dokumentacionin e plotë të praktikës së procedurës të prokurimit me nr."REF-83073-12-23-2020" me objekt "Sisteme/pajisje të teknologjisë së informacionit për identifikimin elektronik të votuesve dhe verifikim e tyre paszgjedhor" dhe të praktikës së procedurës të prokurimit me nr. "REF-89113-03-04-2021", me objekt "Sisteme/pajisje të teknologjisë së informacionit për votimin dhe numërimin e votave" – thuhet në kërkesë.
Procedura e këtij tenderi shikohet se ka qenë e tipit me negocim, pa njoftim. Në të ka marrë pjesë vetëm një kompani e cila natyrisht është shpallur edhe fituese.
Bëhet fjalë për firmën Smartmatic International Holding B.V. me vlerë të ofruar prej rreth 1.2 miliardë lekësh të vjetra me TVSH.
Shikohet se vlera fituese është mjaft pranë me vlerën e fondit limit. Përkatësisht është sa 90.4% e tij. Bazuar në faktet e mësipërme, duket se Celibashi vazhdon të fusë në xhep pa problem miliardat e taksave të shqiptarëve.
© SYRI.net
Reagimi i Bankës së Shqipërisë ndaj kredive të këqija: A është zgjidhje kufizimi i kredhidhënies?
Në burg për skandalin seksual/ Safet Gjici lë qelinë, shtrohet në spital
Berisha: Thirrja ime për komunitetin ndërkombëtar, mos e mbështesni monstrën që krijuat se s’do tolerojmë më
Denonco
Merrni lajmet më të fundit nga SYRI.net në çdo moment dhe kudo që të jeni!
