Berisha: Në Shqipëri drejtësia përdoret vetëm për ndëshkimin e opozitës dhe për forcimin e pushtetit kriminal të Ramës

20:21, 23/06/2024

Lideri i opozitës, Sali Berisha ka akuzuar sistemin e drejtësisë në Shqipëri, se po përdoret nga regjimi i Edi Ramës për forcimin e pushtetit të tij dhe për të goditur opozitën.

‘Çdo ditë që kalon amnistia e Dumanit, e Zamanit dhe organizatës së tij kriminale ndaj qeveritarëve bëhen më ndëshkuese për qytetarët shqiptarë’, u shpreh Berisha gjatë fjalës së tij në protestën maratonë te ‘Rruga e Shpresës’.

Berisha: Mirëmbrëma dhe përshëndetjet më të përzemërta ju qëndrestarëve të pamposhtur të kauzës së drejtë të shqiptarëve, të kauzës së lirisë, dinjitetit, shpresës dhe të ardhmes.

Beteja juaj është e një rëndësie vendimtare për rikthimin në Shqipëri të ligjit, të drejtave të njeriut, kushtetutës, drejtësisë për qytetarët shqiptarë.

Betaja juaj është e një rëndësie shpëtimtare për shpëtimin e shqiptarëve nga ky sistem i vjedhjes së fondeve dhe pasurive të tyre publike i paparë në tërë historinë tonë.

Beteja juaj ka një rëndësi vendimtare për rikthimin në Shqipëri të votës së lirë të shqiptarëve.

Beteja juaj ka një rëndësi vendimtare për përmbysjen e narkoshtetit dhe fitoren e opozitës shqiptare.

Çdo ditë që kalon, të këqijat, zullumet e kësaj qeverie mbi qytetarët, trashen, bëhen më të mëdha dhe më të rënda.

Çdo ditë që kalon amnistia e Dumanit, e Zamanit dhe organizatës së tij kriminale ndaj qeveritarëve bëhen më ndëshkuese për qytetarët shqiptarë.

Çdo ditë që kalon shqiptarët janë kombi i vetëm me drejtësi të munguar.

Defakto në Shqipëri drejtësia përdoret vetëm për ndëshkimin e opozitës dhe për forcimin e pushtetit kriminal të Edi Ramës dhe bandës së tij, kurse qytetari për të drejtën e tij, duhet të presë 10-15 apo më shumë vite sepse ajo nuk ekziston më.

© SYRI.net

Lexo edhe:

• Reagim pas falsifikimit të shifrës së regjistrimit të popullsisë së Shqipërisë nga Edi Rama dhe INSTAT
• Këlliçi: Protestë edhe javën tjetër dhe më 11 korrik, të gjithë përpara Kryeministrisë!
• Frikë nga bashkimi i frontit opozitar/ Rama nuk pranon kërkesën e PD për rikthimin e koalicioneve parazgjedhore