Kryetari i FRPD-së, Besart Xhaferri ka reaguar në lidhje me raportin e Transparency International, i cili ngre alarmin për shkeljet që janë bërë me reformën në drejtësi.
‘Drejtësia e re hanxhar kundër opozitës dhe shqiptarëve, Transparency International ngre alarmin!’, shkruan Xhaferri në Facebook.
Postimi i plotë:
Drejtësia e re me vese të vjetra, kështu e kam përkufizuar që në krye të herës drejtësinë e re që na u shit si arritje për të justifikuar paratë e taksapaguesëve perëndimor.
Në fakt drejtësia e re deri tani më shumë se qytetarëve, u ka shërbyer qeveritarëve të këtij vendi.
Një raport i ri për Ballkanin Perëndimor dhe Turqinë, nga Transparency International ka rrëzuar fasadën e drejtësisë së re.
Në raport shkruhet qartë se Vettingu i gjyqtarëve dhe prokurorëve për integritetin në Shqipëri rezultoi në një numër të lartë shkarkimesh arbitrare, teksa pas konstatimit të këtij raporti janë edhe qindra pasoja të tjera që solli drejtësia e re që më shumë se kurrë ka larguar institucionet e drejtësisë nga qytetari.
Shqiptarëve u duhen dekada për të marrë një vendim nga Gjykata e Apelit, teksa korrupsioni dhe nepotizmi më shumë se kurrë ka minuar sistemin, brenda të cilit kanë depërtuar edhe patronazhistët.
Drejtësia e re po përdoret si kobure kundër pluralizmit, pasi lideri i opozitës mbahet nën arrest pa prova dhe Kryeministrit as nuk guxohet ti shkruhet emri në dokumente zyrtare.
© SYRI.net
'Shpresoj që beteja ime të frymëzojë shqiptarët'/ Salianji nis dënimin
VIDEOLAJM/ I burgosur politik, Ervin Salianji mbërrin në burgun e Fierit
Berisha: Kush e ndien veten shqiptar të bashkohemi me guxim. Guximtare dhe guximtarë është koha juaj, është ora e fitores, e shqiptarëve!
Denonco
Merrni lajmet më të fundit nga SYRI.net në çdo moment dhe kudo që të jeni!
