Pavarësisht se në Pretencën e saj Prokuroria e Shkodrës kishte kërkuar 35 vite burg në bashkim dënimesh, Arsen Stojku është dënuar me vetëm 7 vite heqje lirie për vrasjen e vëllezërve Astrit dhe Brahim Bilali në 30 mars 2019.
Gjykata e Shkodrës ka shpallur vendimin për Stojkun, një nga personat e arrestuar për këtë ngjarje teksa trupa gjykuese gjatë seancës për shpalljen e vendimit, ka ndryshuar cilësimin ligjor të veprës penale nga vrasje në rrethana cilësuese në bashkëpunim, duke e dënuar për akuzën e “përkrahjes së autorit të krimit”, me vetëm 7 vite burg.
Prokuroria e akuzonte Stojkun si bashkëpunëtor të Ibrahim Licit në këtë ngjarje me pasojë vrasjen e dyfishtë dhe për këtë kërkoi 35 vite heqje lirie. Organi i akuzës pretendon se personi që qëlloi ndaj Astrit dhe Brahim Bilalit është Arsen Stojku, konkluzion i cili u arrit pas një analize ADN-je, të gjetur në një bidon uji në makinën që ekzekutorët përdorën në krim.
Ibrahim Lici, akuzohet si ideator i krimit të dyfishtë, emër i cili ditët e fundit ka ngjallur një sërë polemikash. Kjo sepse përmes një shkrese zyrtare të Prokurorisë së Përgjithshme nënkuptohet që ai është arrestuar në Turqi, dhe se ky shtet kërkon dosjen e tij për ta ekstraduar, por që nga ana tjetër Policia e Shtetit e mohon të jetë arrestuar.
Vëllezërit Bilali u vranë në oborrin e banesës së tyre në lagjen "Guerrile" të Shkodrës me breshëri armësh. Përplasjet mes grupeve kriminale në kryeqendrën e veriut dyshohet të ketë qenë shkaku, ndërkohë që familjarët e viktimave kanë dorëzuar ankim në Gjykatën e Apelit të Shkodrës kundër vendimit të dhënë në Shkallën e Parë ndaj Stojkut.
© SYRI.net
‘Shteti Bektashi’/ Berisha-besimtarëve: Miqtë e mi bektashinj kudo që jeni, nuk e ka për ju! E ka për veten e tij, prandaj kujdes
VIDEO/ Berisha: Rekordet e këqija, rekordet e zeza janë ato me të cilat garon e paraqitet sot Shqipëria
Xhetani: Rama antishqiptar, detyron të rinjtë të largohen! Vendi ka nevojë për reforma në arsim e ekonomi
Denonco
Merrni lajmet më të fundit nga SYRI.net në çdo moment dhe kudo që të jeni!
