Ish-kryetari i Partisë Demokratike, Lulzim Basha, i cili po del gjithmonë e më rrallë në publik, u bë sot i gjallë në rrjetet sociale.
Basha zbuloi me anë të një statusi në Facebook se ka shkuar me pushime në Kosovë me familjen dhe ndalesën e parë e ka bërë në Prizren.
Por qytetarët që e ndjekin në rrjetet sociale, kanë shpërthyer me komente kundër deputetit.
Shumë qytetarë e akuzojnë se shkatërroi Partinë Demokratike, disa i kërkojnë të mos kthehet në Shqipëri dhe disa të tjerë e ironizojnë dhe e quajnë bashkëpunëtor të kryeministrit Edi Rama.
Ka edhe qytetarë që e urojnë për pushimet, por më së shumti bien në sy sulmet ndaj Bashës.
Ndërkohë, ky i fundit nuk i ka kthyer përgjigjeve komenteve negative në Facebook.
© SYRI.net