Një 21 vjeçar, grabitës serial është arrestuar nga Policia e Durrësit, pas një hetimi disamujor, në operacionin e koduar “Seriali”, pasi ishte kthyer në tmerrin e bizneseve në qytetin bregdetar.
“Shërbimet e Komisariatit të Policisë Durrës, pas një hetimi disamujor nën drejtimin e Prokurorisë pranë Gjykatës së Shkallës së Parë Durrës, kanë finalizuar operacionin policor të koduar “Seriali”, si rezultat i të cilit u arrestua shtetasi: – A. L.,21 vjeç, banues në Pjezë, Durrës, për veprën penale “Vjedhja”, kryer më shumë se një herë”, tha policia.
Nga veprimet hetimore dyshohet se ky shtetas, nga muaji prill deri në muajin tetor të këtij viti, ka vjedhur shuma parash, steka me cigare dhe produkte të ndryshme ushqimore, në 15 subjekte të ndryshme private në qarkun e Durrësit.
Në cilësinë e provës materiale janë sekuestruar mjete të ndryshme, që ky shtetas i përdorte për kryerjen e vjedhjeve.
Policia dhe Prokuroria pranë Gjykatës së Rrethit Gjyqësor Durrës, po vijojne punen për zbardhjen dhe dokumentimin e rasteve të tjera të vjedhjeve që mund të jenë kryer nga ky shtetas.
Materialet i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme.
© SYRI.net
PD hap degët e saj në Itali/ Berisha: Rama s’ndalet para asgjëje për t’ju rrëmbyer mandatin. Protesta të fuqishsme për votën e lirë!
Bardhi me strukturat në Divjakë: Viti që kemi përpara është vit sakrifice, por është edhe viti që të gjithë bashkë të ndërtojmë projektin fitues
Rama në OKB me grupin që korruptoi McGonigal: Çfarë misioni i ka ngarkuar këtë herë Duçkës
Denonco
Merrni lajmet më të fundit nga SYRI.net në çdo moment dhe kudo që të jeni!
