U kap me drogë në Turqi, përjashtohet nga policia efekti i rrugores

12:45, 16/10/2022

Përjashtohet përgjithmonë nga policia, Florenc Bicerri i arrestuar me drogë në Turqi.

Burime zyrtare nga Policia e Shtetit, thanë se kanë nisur hetimet në lidhje me përfshirjen e policit në këtë trafik droge.

Reagimi i Policisë së Shtetit:

Në lidhje me një rast të trafikimit të lëndëve narkotike, të goditur nga autoritetet turke ju sqarojmë se:

Policia e Shtetit, në bashkëpunim me homologët turq, në lidhje me një rast trafikimi të lëndëve narkotike, në të cilin janë të përfshirë 3 shtetas shqiptarë, njëri prej tyre punonjës policie, ka ngritur një grup të dedikuar hetimor, për hetimin e rastit.

Sqarojmë se punonjësi i Komisariatit të Policisë Rrugore Tiranë, shtetasi Florenc Bicerri, tashmë i arrestuar në Turqi, ka dalë nga Shqipëria, nëpërmjet Rinasit, më datë  05.10.2022.

Për këtë punonjës policie, Drejtori i Përgjithshëm i Policisë së Shtetit ka urdhëruar përjashtimin e menjëhershëm dhe përgjithmonë, nga Policia e Shtetit.

Ndërkohë, grupi i dedikuar hetimor, në bashkëpunim me Agjencinë e Mbikëqyrjes Policore dhe me homologët turq, po vijon punën për zbardhjen e rrethanave të rastit, evidentimin dhe kapjen e personave të tjerë të implikuar në këtë rast të trafikimit të lëndëve narkotike.

© SYRI.net

Lexo edhe:

• PD hap degët e saj në Itali/ Berisha: Rama s’ndalet para asgjëje për t’ju rrëmbyer mandatin. Protesta të fuqishsme për votën e lirë!
• Bardhi me strukturat në Divjakë: Viti që kemi përpara është vit sakrifice, por është edhe viti që të gjithë bashkë të ndërtojmë projektin fitues
• Rama në OKB me grupin që korruptoi McGonigal: Çfarë misioni i ka ngarkuar këtë herë Duçkës