Raporti i DIA: Tani Mafia po synon tregjet ekonomike, prani e krimit nigerian dhe shqiptar në Trentino

11:49, 01/10/2022

Fenomeni u parashikua tridhjetë vjet më parë nga gjyqtarët Falcone dhe Borsellino.

Analiza e dukurive kriminale e kryer nga DIA për gjysmën e dytë të vitit 2021, mbi bazën e provave hetimore, gjyqësore konfirmon edhe një herë se modeli që frymëzon organizatat e ndryshme kriminale të tipit mafioz, shfaqet gjithnjë e më pak i lidhur me manifestime dhune dhe po synon ndryshe, infiltrimin ekonomik dhe financiar.

Sipas medias italiane, ky duket të jetë një konfirmim i asaj që parashikohej tridhjetë vjet më parë nga gjyqtarët Falcone dhe Borsellino, të cilët kishin kërkuar dhe nxituar fort "arkitekturën e Antimafias", pjesë përbërëse e së cilës është DIA, që synon të godasë organizatat edhe nga pikëpamja e trashëgimisë, nga frenimi i ripërdorimit të kapitalit të akumuluar në mënyrë të paligjshme drejt tregjeve ekonomike.

Një drejtim shumë i rëndësishëm veprimi që ka bërë të mundur deri më tani uljen drastike të kapacitetit kriminal të mafias, duke shmangur efektet që përndryshe do të kishin qenë katastrofike për "sistemin e vendit".

Fatkeqësisht, as Trentino nuk është imun ndaj fenomenit, që ishte vite dritë larg në territorin italian deri disa dekada më parë.

Sipas raportit, tendenca e organizatave kriminale, veçanërisht të tipit mafioz, për të pastruar dhe riinvestuar kapitale me origjinë të paligjshme jashtë zonave të origjinës, duke preferuar territore të karakterizuara nga një strukturë e pasur dhe e shëndetshme ekonomike, në të cilënrrjedha e parave mund të depërtojë më lehtë  në kanalet e ekonomisë reale ka prekur edhe Trentos.

Hetimet e kryera vitet e fundit kanë bërë të mundur zbulimin e prezencës së krimit kalabrez edhe në këtë krahinë. Kjo është ajo që doli, për shembull, nga rezultatet e operacionit "Perfido" të përfunduar në tetor 2020, me të cilin u zbulua një projeksion i klanit SERAINO Reggio që vepron në zonë përmes krijimit të një zone të vërtetë të 'ndragheta'.
---
Në Trento u krye në gjysmën e dytë të vitit 2021 operacioni "Bad Land" në të cilin u dha një urdhër arresti  ndaj 5 subjekteve, që i përkisnin 2 celulave të ndryshme, njëra e përbërë nga dy italianë dhe tjetra nga shqiptarë e rumunë që menaxhonin njëkohësisht një biznes të degëzuar në kryeqytet të marijuanës dhe kokainës, duke përdorur dy apartamente të veçanta si bazë logjistike dhe operacionale. Droga vinte nga brendësia e Milanos ku 'përpunohej', ndahej në doza dhe paketohej për biznesin e mëpasshëm të shitjes me pakicë.

Më 13 tetor 2021, Karabinierët e Trentos kryen operacionin "Acqua Verde", kundër 47 personave, përfshirë nigerianë, italianë dhe shqiptarë, të akuzuar për organizime kriminale që synonin trafikimin dhe tregtimin e drogës.

© SYRI.net

Lexo edhe:

• Rama në OKB me grupin që korruptoi McGonigal: Çfarë misioni i ka ngarkuar këtë herë Duçkës
• Thënia e shekullit/ Carlo Bollino: Jam gazetar i ndershëm
• EMRI/ I dënuar për prodhim dhe shitje të drogës, arrestohet 26-vjeçari