Ismail Elezi deklaroi këtë pasdite në një takim të organizuar nga kryetari i PD Sali Berisha, se ish-ministri i Brendshëm Saimir Tahiri i vuri kazmën Policisë së Shtetit.
Sipas tij shumë njerëz janë shkarkuar pa arsye, thjesht shkurtim i funksionit organik dhe largim nga detyra në Policinë e Shtetit.
“Të gjithë këta njerëz që ju shikoni janë shkarkuar pa asnjë lloj arsye, thjeshtë shkurtim i funksionit organik dhe largim nga detyra në Policinë e Shtetit.
Gjatë kësaj periudhe kemi bërë një punë për të denoncuar krimin dhe punën e dobët te policisë së shtetit.
I pari njeri i vuri kazmën e shkatërroi policinë, e çoi në këtë derexhe është Saimir Tahiri. Ai e vendosi i pari vulën kësaj pune dhe vazhdon deri sot.”-tha Elezi.
© SYRI.net