Diplomati Agim Nesho komentoi në edicionin e pasdites me Armela Ferkon në Syri Tv ngrirjen e marrëdhënieve diplomatike me Iranin dhe dëbimin nga Tirana të të gjithë stafit të ambasadës, pas sulmit kibernetik.
Nesho u shpreh Partia e Lirisë ka përshëndetur këtë akt ndërsa shtoi se qeveria duhet të mbajë qëndrime koherente në vazhdimësi.
Sipas tij, kjo qeveri siç bëri me Iranin, mund të veprojë edhe për marrëdhëniet e projektet e ndryshme që rrisin influencat ruse në Shqipëri.
Nesho theksoi se Rama luan në bazë të influencave ose të pozicionit të momentit, pa menduar se cilat janë interesat e vendit.
"Qeveria të mbajë qëndrime principiale në vazhdimësi dhe të konsolidojë politikën e jashtme për atë objeksion që kemi ne për të qenë në rrugën e integrimit në Bashkimit Europian.
S'ka marrë parasysh asnjëherë që lejen pa viza të qytetarëve rusë të cilët, individë të caktuar përbëjnë rrezikshmëri për sigurinë kombëtare të Shqipërisë si vend i NATO-s.
Për fat të keq kjo qeveri dhe ky kryeministër luan në bazë të influencave ose të pozicionit të momentit pa menduar cilat janë interesat e Shqipërisë. Ky rast duhet t'i shërbejë qeverisë për reflektim të thellë në politikën e jashtme."-tha Nesho.
Më tej diplomati Agim Nesho tha se qeveria e Ramës me veprimet e saj përbën mungesën e një sigurimi kombëtar në funksion të mbrojtjes së interesave të vendit tonë.
© SYRI.net
EMRI/ I dënuar për prodhim dhe shitje të drogës, arrestohet 26-vjeçari
Mashtronin me eskorta, Piranjat demaskojnë grupin e adolëshentëve
Ndarja nga jeta e ish-deputetit Gerti Bogdani/ PD Kanada: Humbje e madhe për familjen dhe të gjithë demokratët
Denonco
Merrni lajmet më të fundit nga SYRI.net në çdo moment dhe kudo që të jeni!
