Disa nga kompanitë më të mëdha të teknologjisë, duke përfshirë këtu disa nga emrat më të lakmuar në tregun e rrjeteve sociale, kanë seli, madje edhe selitë e tyre kryesorë në Europë, në Irlandë.
Shteti i Bashkimit Europian ofron shumë lehtësira fiskale për këto kompani, përtej burimeve njerëzore anglishtfolese, por nga ana tjetër ka edhe rregulla të hekurta për sa i përket mosrespektimit të disa çështjeve sensitive, si përshembull ajo e privatësisë.
Pikërisht mbi këtë çështje ekziston një komision i posaçëm që monitoron këto kompani, dhe nga viti i kaluar ka filluar të zbatojë rreptësishtë direktivën europiane për trajtimin e të dhënave dhe privatësinë, e miratuar në vitin 2018, duke vendosur gjoba të majme.
Lajmi i fundit për një vendim të tillë është i bujshëm, sepse përfaqëson gjobën e dytë më të lartë të marrë nga një kompani në Europë për sa i përket shkeljes së privatësisë, pas asaj që Luksemburgu i ka dhënë Amazon dy vite më parë.
Në atë rast shifra kalonte 746 milionë euro, ndërkohë që gjoba e këtyre ditëve është ndaj Instagram, për një total 405 milionë euro. Sipas rregullatorit irlandez, si pasojë e një investigimi të zgjatur 2 vite, Instagram ka vënë në rrezik emailet dhe numrat e telefonit të miliona përdoruesve të mitur në të gjithë botën.
Këto të dhëna, që normalisht nuk pasqyrohen në profilet normale, deri dy vite më parë dilnin në profilet “business” të kompanisë, që siguronte instrumente më të avancuara analize. Për arsyeje të ndryshme, rreth 60 milionë të mitur kanë ndërruar profilin e tyre “normal” në profil “biznesi”, duke mos ditur që të dhënat e tyre personale do të ekspozoheshin publikisht .
Kjo nuk është gjoba e parë që Komisioni irlandez i jep një kompanie të grupit Meta, të drejtuar nga Mark Zuckenberg. Vitin e kaluar Whatsapp u gjobit me 225 milionë euro, Faceebook me 17 milionë euro, për një total për grupin që tejkalon 647 milionë euro.
© SYRI.net
EMRI/ I dënuar për prodhim dhe shitje të drogës, arrestohet 26-vjeçari
Mashtronin me eskorta, Piranjat demaskojnë grupin e adolëshentëve
Ndarja nga jeta e ish-deputetit Gerti Bogdani/ PD Kanada: Humbje e madhe për familjen dhe të gjithë demokratët
Denonco
Merrni lajmet më të fundit nga SYRI.net në çdo moment dhe kudo që të jeni!
