Anëtari i kryesisë së PDK-së, Adri Nurellari komentoi në edicionin e pasdites me Armela Ferkon në Syri Tv vizitën në Kosovë të të dërguarit amerikan për Ballkanin Perëndimor, Gabriel Escobar dhe të dërguarit të posaçëm të Bashkimit Evropian për dialogun mes Kosovës dhe Serbisë, Mirosllav Lajçak.
Nurellari u shpreh se vizita e zyrtarëve në Prishtinë është një lajm i mirë pasi tregon që një çështje kaq e rëndësishme për Kosovën vijon të jetë në qendër të vëmendjes nga ndërkombëtarët edhe pse e gjithë bota i ka sytë nga lufta në Ukrainë.
"SHBA-të, aleatët tanë kryesorë, BE, që është mbështetësi kryesor i pavarësisë dhe zhvillimit të Kosovës ka mjaftueshëm energji e vëmendje për tu marrë me çështje të pazgjidhura dhe për të çuar përpara procesin. Lufta në Ukrainë mund të çonte në neglizhim ndaj Ballkanit Perëndimor e Kosovës në veçanti, por kjo prani tregon që interesi është aty.”-tha Nurellari.
Ndër të tjera Nurellari u shpreh se kryeministri Albin Kurti ka qenë neglizhent ndaj përgjegjësisë së tij si kryeministër dhe e ka nënvlerësuar duke e konsideruar si një temë dytësore çështjen e dialogut.
"Kur fitoi zgjedhjet deklaroi që dialogu është prioriteti i tij i gjashtë. Tre homologët e tij që humbën pushtetin para tij, u rrëzuan pikërisht për dështimin e procesit të dialogut. Në dy raundet e para ai i ka shfrytëzuar për veprime populiste, duke vënë kushte, të gjitha i ka bërë se ngjallin emocione.
Nuk habitem që edhe kësaj radhe të ketë shkuar me këtë qasje. Mendoj se ai do të fitojë kohë dhe të zvarrisë këtë proces, vetëm hamendesoj se cila është strategjia e tij. Në dy raundet e para është treguar moskokëçarës. I ka shfrytëzuar për populizëm që nuk sjellin diçka konkrete."-tha Nurellari.
Prezencën e ndërkombëtarëve në Prishtinë, Adri Nurellari u shpreh se janë palë që kanë investuar shumë për paqen në Europën Juglindore.
"Investojnë edhe sot. Kosto të mëdha financiare, mbajtja e trupave në Kosovë, Kosova në një konflikt të pazgjidhur me Serbinë. Ballkani ka pasur çështje të trazuara dhe ka pasur angazhime të jashtëzakonshme.”-deklaroi Nurellari.
© SYRI.net
Mashtronin me eskorta, Piranjat demaskojnë grupin e adolëshentëve
Ndarja nga jeta e ish-deputetit Gerti Bogdani/ PD Kanada: Humbje e madhe për familjen dhe të gjithë demokratët
Berisha: Operacioni për ‘Çopjat’ u dekonspirua nga Skapi i partisë! Telefonin e Drejtorit të Përgjithshëm të Policisë e kontrolluan pa vendim gjykate
Denonco
Merrni lajmet më të fundit nga SYRI.net në çdo moment dhe kudo që të jeni!
