'Dhunë në familje, shpërndarës kokaine'/ Policia u vendos prangat pesë personave

13:14, 21/08/2022

Vihen në pranga 5 shtetas dhe procedohet penalisht 1 tjetër, për vepra të ndryshme penale.

Specialistët për Hetimin e Krimeve në Komisariatin e Policisë Nr. 3 kapën dhe ndaluan shtetasin B. M., 33 vjeç, të shpallur në kërkim veprën penale "Dhuna në familje".

Specialistët për Hetimin e Krimeve në Komisariatin e Policisë Nr. 5 arrestuan në flagrancë shtetasin Z. H. 41 vjeç, dhe proceduan penalisht në gjendje të lirë shtetasi D. V., 32 vjeç, të dy banues në fshatin Kasallë.

Gjatë kontrollit të ushtruar në ambientet e lokalit shtetasit Z. H., të cilin e kishte përshtatuar për konsumim të lëndëve narkotike, shtetasit D. V  iu gjet dhe iu sekuestrua, në cilësinë e provës material një sasi e vogël lënde e dyshuar narkotike, e llojit kokainë.

Specialistët e Qarkullimit Rrugor arrestuan në flagrancë shtetasit:

 G. K., 35 vjeç, pasi duke drejtuar automjetin, në gjendje të dehur është përplasur me automjetin me drejtues shtetasin S. Ç. dhe si pasojë ka vetëm dëme materiale;

 F. A., 47 vjeç, pasi u kap duke drejtuar automjetin në gjendje të dehur dhe me qëllim shmangien e masës administrative i ka ofruar punonjësve të Policisë, një shumë parash;

S. B., 36 vjeç, pasi duke drejtuar automjetin në gjendje të dehur ka humbur kontrollin mbi drejtimin e automjetit dhe është përplasur me bordurën anësore të rrugës.

Materialet i kaluan Prokurorisë, për veprime të mëtejshme procedurale.

© SYRI.net

Lexo edhe:

• Mashtronin me eskorta, Piranjat demaskojnë grupin e adolëshentëve
• Ndarja nga jeta e ish-deputetit Gerti Bogdani/ PD Kanada: Humbje e madhe për familjen dhe të gjithë demokratët
• Berisha: Operacioni për ‘Çopjat’ u dekonspirua nga Skapi i partisë! Telefonin e Drejtorit të Përgjithshëm të Policisë e kontrolluan pa vendim gjykate