Besfort Lamallari ka marrë drejtimin e Ministrisë së Brendshme deri në datën 30 prill, bazuar kjo në një urdhër të ministrit të Brendshëm; Bledi Çuçi.
Urdhëri përcakton si periudhë kohore 25 mars-30 prill, kohë kur Ministria e Brendshme, do të drejtohet nga zv.ministri Llamallari. Duket se ky urdhër ka lidhje me fushatën zgjedhore, ndërsa Bledi Çuçi kandidon për deputet në Qarkun e Gjirokastrës, dhe ka kërkuar që të qëndrojë jashtë funksioneve ekzekutive.
Llamallari më parë është komanduar edhe si prefekt i Shkodrës, ndërsa është përfshirë jo pak herë në përplasje dhe akuza me opozitën, madje duke e cilësuar këtë të fundit edhe si talebane, një epitet që askush më parë, nuk e kishte përdorur.
Duket se kjo është arsyeja që Çuçi i ka kaluar kompetencat e drejtimit të Ministrisë së Brendshme të zellshmit Lamallari, i cili bashkë me drejtorin e Përgjithshëm të Policisë së Shtetit, Ardi Veliu, edhe ky i fundit një emër i kontestuar, do të kujdesen për mbarëvajtjen e zgjedhjeve.
Dhe nisur nga politizimi i dy emrave që drejtojnë strukturën më të rëndësishme të procesit zgjedhor, në aspektin e mbarëvajtjes dhe sigurisë, mund të ngrihen shumë pikëpyetje.
© SYRI.net
PD koalicion me Metën në zgjedhjet 2025? Ja si përgjigjet Berisha
A keni besim te drejtësia?/ Malltezi: Është e kapur, por ka gjyqtarë të ndershëm. SPAK survejon …
ÇIM PEKA LIVE/ Pyetjet që SPAK nuk ju jep dot përgjigje
Denonco
Merrni lajmet më të fundit nga SYRI.net në çdo moment dhe kudo që të jeni!
