Në Shqipëri kanë mbërritur të premten në mbrëmje 38.400 dozat e para të vaksinës AstraZeneca. Për të parë mbërritjen e vaksinës, në aeroportin “Nënë Tereza” ishin të pranishëm kryeministri Edi Rama, ministrja e Shëndetësisë Ogerta Manastirliu dhe ministri për Rindërtimin, Arben Ahmetaj.
Kryeministri Edi Rama, në fjalën e tij theksoi se edhe 60 mijë doza të tjera vaksinash anti-COVID pritet që të vijnë në prill, ndërsa një pjesë të tyre, sipas Ramës, do t’i ndahet Kosovës për të vaksinuar mjekët dhe infermierët në Kukës.
“Edhe 60 mijë doza do mbërrijnë në muajin prill. Ideja është që të kemi vaksinim intensiv. Jemi gati, nga nesër që të organizohemi, bashkë me Kosovën, që t’ju japim mundësi mjekëve dhe infermierëve të spitaleve Covid, që nga spitali i Prishtinës ku do t'i marrin dozat në Kukës. I presim vëllazërisht. Do jetë e rëndësishme, që edhe në Kosovë të thyhet kjo pengesë për të pasur dozat e para të vaksinës anti-Covid”, u shpreh Rama.
Rama edhe më herët kur në Shqipëri erdhën dozat e para të vaksinës Pfizer, premtoi një pjesë për Kosovën, por megjithatë kjo nuk u realizua kurrë.
© SYRI.net
‘SPAK fsheh dokumentet zyrtare’/ Malltezi nxjer faktet: Në dosje nuk thuhet se propozimi i tjetërsimit të klubeve filloi me qeverinë Nano...
TASK FORCE/ Dosja 'Partizani', Argita Malltezi përballë ekspertëve
'Pensionistët do përkëdhelen deri në zgjedhje'/ Abilekaj: Qeveria i rriti pensionet për efekt zgjedhor
Denonco
Merrni lajmet më të fundit nga SYRI.net në çdo moment dhe kudo që të jeni!
